قصيدة الزكاة للشاعر : عايض بن شامان الدمخاء

[أبو مرحبا]

بعد توحيد المملكه في عهد الملك عبد العزيز وصل مندوب الزكاة بن طاسان

وكانت زكاة المحاني من قديم الزمان ممنوحه للقايم بشوون الاماره منذ وقت الشيخ عيد

وكان في هذا الوقت هو الشيخ شباب بن ثعلي وقد طلب من المندوب التريث

حتى يراجع الامام عبد العزيز ال سعود فاعطاه مهلة شهرين وارسل الشيخ مجموعه من كبار جماعته

وهم الشيخ زايد بن سعيد بن ثعلي ومحمد بن حمد بن ثعلي و عمار بن حمد بن ثعلي وعجير بن مبارك

وماطر بن خزام ومجموعه اخرين ومعهم قصيدة من شاعر القبيلة عايض بن شامان بن ثعلي

بهذه المناسبه حيث يقول :

اول ذكـرة الله وبديـت ذكــره=مسيـر الارزاق راع الفضـايـل
مسير الارزاق مـا احـد يردهـا=تجي عطاء من عند ربي نحايـل
مع ذا وياراكب على اوساق حزب=حرايـر مـا دنيـت للرحـايـل
يركـب عليهنـه عيـال جماعـه=عيـال جـد للركايـب دلايــل
من قصر بن ثعلـي مساريحهنـه=والعصر ما بين الحلـي البتايـر
وليا عطن دار الخلا زان مشيهـن=يبرن مثل ابراي ذيـب الخمايـل
على صـلاة الصبـح مسراحنـه=وحطوا عليهن في قربهـن قلايـل
وليلة ثمـان ليـال مـع مثلهنـه=قد وصلن وهنه باهلهـن شلايـل
يلفن اخو نـوره وهـو عيدهنـه=عيد النضاء للقوم يبـس البلايـل
تلقاه في بيت رفيـع بـه الـدرج=وهوه بعد في كل الاحوال طايـل
يقـدم الترحيـب قبـل لهلـهـن=والهم من البن المصفـى كمايـل
سلام يالحاكـم وهـذي علومنـا=بعـد تعبنـا وتعبـن الاصايـل
سلام والنا حسـة فـي صدورنـا=وانته من اللي يحرزون الجمايـل
نبى قديمة جدنـا مـع اجدودكـم=قديمـة بـيـن الـجـدود الاوال
قديمـة جـدك ذخرهـا لجـدنـا=وبعدمات وكل له عليهـا وكايـل
وكيلهـا عبـد العزيـز الفيصـل=ولاكـان توخذمـن يديناتـلايـل
بشر بها ياشيـخ بشـرت بالنجـم=بشـرت بالجنـه وداج الظلايـل
بشرت بالجنـه برجلـك تميلهـا=الله يجيرك مـن لهيـب الشعايـل
ياعد ياللـي كـل ظميـان يـرده=مايصـدر الا مرتـوي بالنهايـل
حلفت ما اخبر حاكم صار مثلـك=حليل ما حالـت عليـه الحبايـل
وكلن مشى مع صاحبه مايخونـه=من ريب سيفك ياصميل الصمايل
حطيت لك في كل هجره مـدارس=وادليت عميـان القلـوب الدلايـل
لين اسلمت للرب نـاس مخالفـه=ليـن اسلمـت لـلـرب نــاس
سعود منعـور وزيـزوم سربـه=فيصل عدو القوم يبـس البلايـل
سيـوف بواتـر حديـد ذكرهـا=يطرح وحمها اللي وراء باب حايل

منقوووووووووووول



أخوكم..أبو مرحبا

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي