الخـــــــــــــــازم

[غازي مشخص العصيمي]

مصافحه اولى
اتمنى ترتقي الى مستوى ذائقتكم

تكفين يالخــــــــــازم علينا تهبين=ومري على صدري ونشي لهوبه
لاصار قلبي مثل لابــــة براكين=الجـــــــوف يحتاج لهبوبٍ تجوبه
يمكن تخف النار من حين لحين=نارالفراق معــــــــــاقبتني عقوبه
نارٍ سناها فـــــــور الدمع فالعين=وأحفا جفونه من غـــزارة صبوبه
اللي حطــبها من خلايا الشرايين=والولعه بدمٍ تســــــــــــارع سكوبه
لا ماشكيت اهموم فرقا المزايين=ولاني بواجه فالصـــداقه صعوبه
انابلاي غــــياب واحد من اثنين=شطرين قلبي قســـــــمةٍ ومحسوبه
غاب اللذي علمني الحـق والدين=بالموعظـــه واسرار حكمة اسلوبه
امرٍ طفح كــــيله وعدا الموازين=من فوق بحـرالصبر سبب نضوبه
امرٍ قضاه الله والعـــــبد مسكين=بعض الامور تصير جـوفه شبوبه
واليوم صار لغيبته خمسة اسنين=مرت وروحي بالفــــراق معطوبه
مرت واطلاله بصـوت المواذين=اذكر قيامه للصـــــــــلاه وصلوبه
واذكرنداه لخيرالاعمال ياحسين=يالله عسى الفــردوس منزل مـثوبه
واذكر ليا لبوا جــــموع الملبين=لبا بصوت ايمان كـــــــــله عذوبه
واذكر ليا جاه الرجــال الميامين=يقدم اللي لا مشــــــــــــوا سولفوبه
هذاك ابويه قاضي الدين بالدين=من شان يلقا الضيف كـامل وجوبه