مرثية في الشاعر الكبير/ غازي مهنا الشيباني .. رحمه الله

[محمد العتيبي]

(طيحة فارس )



كتب هذه المرثية الشاعر : قبلان مهنا الشيباني


في رثاء أخيه الشاعر الكبير / غازي مهنا الشيباني .. رحمه الله حيث قالها قبل ساعات قليله من رحيله

بعد أن شاهده ..

والمرحوم الشاعر / غازي مهنا الشيباتي .. له مكانته الإعلامية الكبيره في ساحة الشعر وبرامجه

الإذاعيه ودوره في ديوانية شعراء النبط في دولة الكويت ..

رحم الله الشاعر الكبير / غازي الشيباني .. واسكنه فسيح جناته ..

عباير العين فوّاحه ومندرجه = ترقرقت واسبلت بالدمع زعّاجي
من طيحة الفارس اللي طاح من سرجه = عمقٍ صوابه عليه الحوم روّاجي
بعد الزياره وشوف العين والهرجه = ومحشرج الصوت لا ترجيه ياراجي
الظاهر انه من الدنيا نفض خرجه = مع خلةِ قد عطاها قبله افواجي
الموت يارد ... ورود الرمح ابو زرجه = من حكمة الرب ماله طب وعلاجي
والقصر معمور حتى ينهدم برجه = وأليّا انهدم برجه أظلم ليله الداجي
ما أصعب فراقه وما أوسع عقبه الفرجه = وابواب غازي له مرصد ومزلاجي
الأوله معضلات الماقف الحرجه = يلقالها عند ابو جراح مخراجي
والثانيه للجماعه قاضي وحجه = والثالثه يفقده ناصيه محتاجي
ناصح ومرشد وصايب راي ومّوجه = طليق يمنى يعدل كل منعاجي
يالله من هول يوم الغاشيه نجّه = وامح الخطايا عنه ياوال الافراجي
العبد لله راجع أله متوجه = صبرٍ جميلٍ وربه مزبن اللاجي

الشاعر / قبلان مهنا الشيباني

جريدة الوطن الكويتيه

التوقيع

للتواصل عبر twitter تويتر al_bargawy@