مشاهير الشيوخ العشاق

[ابن ظمنه]

السلام عليكم و رحمة الله تعالى و بركاته و مغفرته

هذه الرائعه لشاعر قبيلة عتيبه الكبير مخلد القثامي العتيبي يرحمه الله

مخلد بـد حيـد طويـل الاشاذيـب = ذكر علـه وكلمـا بالحشـا جـاب
لو لا اني اجلا عن ضميري لواهيب = في كنة الغليون فـي راس مرقـاب
وملا وحي باكوار شيب المحاقيـب = لغدا حريقة نار فـي راس مشهـاب
علـى عشيـر سدهـاك المراقيـب = عسلج وضلع هدان وكبـاد ونيـاب
ودعتـك الله ياشريـف الخراعيـب = يانافـل بالزيـن تلعـات الارقـاب
العين طفطـوف عـذى المشاريـب = في ماقع عسـر علـى كـل هيـاب
وانهيد خلي ماتعلـق بـه الصيـب = حمر ثمرهن توهن شـق الاسـلاب
يفداه من لـم الحطـب للخراعيـب = خطو السدوح اللي عيونه للاقـراب
يالجتي لجـة محـال علـى شيـب = شيب اعـداوه عفتوهنـه اصعـاب
تقفي وتقبل بـه طويـل المجاذيـب = في عيلهم طولـه ثمانيـن بحسـاب
ويالجتـي لجـة قطيـع مناهـيـب = في كنـه الجـوزا حداهـن ملهـاب
على القليـب يرشحـن المغاريـب = العـد مقطـع والحداديـر هـيـاب
او لجتـي لجـة نجـور تواعيـب = لجة نجور الحاج مـع كـل شـراب
او لجتي لجة مـع الغبشـة الذيـب = لجلاج ذيب يرفع الصـوت قنـاب
يلومنـي بالحـب خطـو الدباديـب = خطو الدحوش اللي تعصا بمشعـاب
والحب ماعذرب شيـوخ الاجانيـب = ولا عاب ابن ظمنه وراكان ماعـاب
ولاعاب اخو نوره مروي المغاليـب = ولا عاب الدوشان عريبين الانسـاب
ولاعاب نمـر حصـان الاطاليـب = اللي عشق وضحا وابا زيد وذيـاب
ولاعاب اخو سكره حما الفطر الشيب = ولاعاب ابن حميد صنهات وعقـاب
اللـي يعزلـون امهـات الدباديـب = ام الجرس والطوق والعفر الاشبـاب
ولا عاب اخو ريا حما الفطر الشيب = اللي يفك الجاذيـه وقـت الانشـاب

بدأ وهو يعدد الفرسان العشاق بأبن ظمنه وهو يقصد الشيخ الفارس اخو رمضا فايز ابن جريس ابن خضير ابن ظمنه

وانتها بالشيخ الفارس اخو ريّا هاجد ابن رزيّن ابن خضير ابن ظمنه

بدأ بالظمون بيت إمارة قبائل الصعبه من بني عبدالله من قبيلة مطير وهو يعدد الفرسان العشاق وانتها بالظمون

لكم خالص ودي وتقديري

اخوكم و محبكم في الله سبحانه وتعالى

السلام عليكم و رحمة الله تعالى و بركاته و مغفرته