قصيدةالشاعر / شليل مرزوق الثعلي رحمة الله

[عبدالله الاصعر]

اليوم انا عديت في راس مزموم=في راس مرقاب رفيع لمبادي
مدهل طيور فالهواء تنهض الحوم=عاليه من قو العسر مايرادي
ماكر حرار فيه ماتفرخ البوم=ولا وقعت فوقه فروخ الحنادي
وسويت لي قاف من الشعر منضوم=ونزهت كلماته من الانتقادي
ويافاز انا بعت وارهيت فالسوم=وفكري مقديني ولو قيل غادي
لو قيل لي ريّض تراي اسبق القوم=والقيده يامسندي مايقادي
ولا بحت بسراري على كل مذموم=انالكتم السر عندي مبادي
جربت وستغربت ماشفته اليوم=ومن جرب الايام منها استفادي
لقيت ناس همها السب واللوم=ولهم على اعراض الاوادم معادي
ناس لهم شذب العراقيب مرسوم=ولهم على الغايب صباح وهجادي
ليا جاك كنه حاكم دولة الروم=هذار نثار لكثر الدوادي
لو ماينال من الشرف حبة الثوم=بذاعته يسبق مذيع الروادي
ليا احتاج عندك جاك بفكار وعلوم=ويسر لك الدنيا ليا جاك بادي
وليابدت حاجتك عنك ابعد الحوم=نار ياخو فوزان تصبح رمادي
خله يروح ورزق الانسان مقسوم=ماهو ببن شداد ولا المهادي
وناس ليا شافوك معسر وملزوم=فرحو عليك وصفقو بالايادي
اعزم وشم عن دارهم دايم الدوم=العز بعدك عن ديار الفسادي
والله يافايز ما التجينا لهم يوم=نقضي حواجنا بفعل الايادي
رزق وراء روس المساكين معدوم=الرمث مايلجاله الا القرادي
الحر اله ملجا ليا صار مضيوم=روس الرجوم الطايلات السنادي
وليا زبنت ازبن لذباحت الكوم=ليا جات صعبات العلوم الشدادي
جمال الحمول ليابرك حاشي القوم=يرسون لون الحمايل تزادي
اللي ليامنك وصل راسك السوم=كل براسه دون راسك يفادي
وليا ابتلاك من المقاريد مشيوم=اصبر عليه ودللة لرشادي
وليا تعدى الحد مانته بمليوم=وشفته تمادا للخطا والعنادي
صكه بيمناّ عنك تجلابها اللوم=وداو الطعون المرمسه بالجدادي
وخلك ليا جات الملازيم صيروم=حيدن تثنا عنه روس الحدادي
والعمر له يوم محدد ومحتوم=والحب ماينحت قبل الحصادي
النفس ما تفنى وباقيله يوم=وليا تقرر يومها ما تزادي

التوقيع

ربعي كما الحيد الطويل النايف=ارقاء براسه وانسدح في ضله ليا بنو بنيً على مقلطهم=يبنون بنيً ماحد(ن) يفله الشاعر/عبدالمعين الثعلي رحمه الله al-aser11@hotmail.com

آخر تعديل عبدالله الاصعر يوم 29-Jun-2009 في 05:23 PM.