بسم الله الرحمن الرحيم
تواصلاً مع قسم قصائد الاعضاء
اضع بين ايديكم هذه المتواضعه لعلها ان تنال استحسانكم
....
...
..
.
وقّف وناظر فيّ بعيونك السود =غير النظر بالعين ماريد حاجه
تكفيني النظره ليا صرت محدود=افرحبها فرح المريض بعلاجه
الفكر شارد معك والقلب مفقود =قطّع معاليقه وكسّر سياجه
يتبع هوى طيفك ليا هبت النود =وافق مزاجك ياحبيبي مزاجه
ريم الفلا كل الحلا باشة الخود =من ياقف بجنبه يزيد انحراجه
مع وسع عينه فيه ميزه ونمرود=محني مثل قوس الربابه حجاجه
يازين كل الزين بيداك موجود =والزين مع غيرك يعود سماجه
لامر طيفك للسما قادني قود =واشعل قناديله وولع سراجه
اغيب بفكاري عن الناس واعود=واذكر وش اللي صار يوم المواجه
صارت حياتي بين شعله وبارود =وآخر مراحلها بعنق الزجاجه
اما زرعنا الدرب ريحان وورود =ولا على الله همنا وانفراجه
وســــــــلامتكم
« آخـــر الـــمـــشـــاركــــات »
24-Jun-2009, 11:27 AM
عنــــــق الزجـــــــــاجه
العرض الشجري