ولايفلح الساحر

[محمد النخيش]

بسم الله الرحمن الرحيم


تشرفت بإلقاء هذه القصيده في ملتقى مكتب الدعوة والارشاد
تحت عنوان ولايفلح الساحر أمل أن تحور على رضاكم

سلامي سلامن ممتلي حشمة وتقدير=على اللي حضر نثنيه مافيه مزهافي
سلامن نقي من قلب من وده التبصير=أقوله نيابه وأتشرف بميقافي
نيابه عن اللي مايجي منهم التقصير=هل المكتب اللي فعلهم دايما" وافي
سعوا لأجل يجمع ملتقانا رجال الخير=وبانت برامجهم على كل مشرافي
ومادامني واقف نيابه ولي تفكير=هلا مرحبا ترحيبةن خيرها ضافي
هلا بالضيوف اللي سمر حبهم تسمير=على لوحةن بالقلب تقرأ للأشرافي
وهلا براعي الحفله ملبى بلا تأخير=حضوره جعل للمتلقى نورن يشافي
هلا والف ترحيبة كما ضو شمس عصير=ولا دونها غيمه ولا دونها سافي
يجي للشعاع اللي لها وسط جم البير=تناوير لو طالت وزادت بالأوصافي
هلا وألف ترحيبة تجيكم كما التبشير=يبشر نباها من تعشم بالأعرافي
وهلا ياهل الوقفات والعرف والتفسير=تفسر علوم الدين للجاهل الغافي
يجي بعدها كيفن على هيله امسيمير=يزيل العماس اللي على الرأس متقافي
تحت ضيفة أهل البل رجالن عطاها غير=نباهم قبل ذبح الذبايح ترى كافي
وهلا مرحبا واعداد طير صدح للطير=وعدد وبل غيثن جايله صوت وهتافي
على الملتقى اللي يعجز بوصفه التعبير=وكلن لعنوانه بلا شك لهافي
ولا يفلح الساحر ولو مابغاه يصير=قفيه عذاب الله مع شره الخافي

وسلامتكم

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

آخر تعديل محمد النخيش يوم 27-May-2009 في 12:48 AM.