يالمطيري شفت لي نجمين طاحت من سماها ,,, الحريّص ,,,

[معجب العتيبي]

علي فلاح العضياني

يالمطيري شفت لي نجمين طاحت من سماها=أثرها أقمارٍ صناعيّه و أنا أحسبها نجومي
يوم طاحت مدري انت دونها و لاّ وراها=يا محمد كان عندك علم ,,, علّم بالعلومي

محمد الحريص

نجمنا مثل النجوم اللي تعلت في فضاها=كان فيه اقمار مصنوعه لك الله ماتحومي
كل عله يالعتيبي عندنا يوجد دواها =وانت لاشفت الهلال افطر ولا تبتل تصومي

[

علي فلاح العضياني

الله انه لايعينك ,,يااحمر الناظر علاها = ماصفا جوك ملبّد ,,,,بالسحاب وبالغيومي
مايجوز العذر في اللي مثلها واللي كماها=السجين ليا وقع فالارض ,,,مايقدر يقومي

محمد الحريص

الاحاديث الضعيفة من رواها من رواها=واكثر العالم تحدث لو تحلم بالحلومي
الجمال بحملها ما تلتفت للي وراها=والهمل تمشي وحدها لا حمول ولا وسومي

علي فلاح العضياني

الاحاديث الصحيحه ثابته للي قراها =اثبت من النير يامحمد ومن ظلع البقومي
الجمال محمله كل العرب تسمع رغاها=والعماني حملته فوقه وبالحبل مخطومي

محمد الحريص

الخبر من ديرة الكذاب بأول مبتداها=من يعرف مسيلمه يقنع وعن دربه يشومي
فيه حرب اعلام من بين الدول يعقد لواها=والحروب الطاحنة تدور في ليلة ويومي

علي فلاح العضياني

مارضيناها لكنّ اللي على نفسه رضاها =كيف يصبح بعد ماسوى.. مقدر ومحشومي؟؟
الله يعز السعوديه بعزه ويحماها =طبقت حكم الشريعه بين حاكم ومحكومي

محمد الحريص

ما سلم هارون سنه يحجها و آخرى غزاها=يوم جاء نقفور داخل تركيا لوكان رومي
السوالف ياعميل الخير مايلحق مداها=وانت خلك ياعلي بين المحاني والجمومي

الحريص وعلي الابداع


صحة السنتكم


وبيض الله وجيهكم