السنـــــــــاعــيـــــــس

[فهيد مقعد الرويس]

المشاركة الأصلية كتبت بواسطة بندر المرشدي

كنت مدعو على حفلة لإحد أبناء قبيلة شمر

وقد قلت هذه القصيدة بهذه المناسبة


والطنايا مهما قلت فلن اوفيهم حقهم

سلام ياهل المرجلة والنواميس=ساس المروة والكرم والرجوله
تسليمة من صادقات الاحاسيس=عطرتها بالمسك توله وتوله
اعداد ما هبت هبوب النسانيس=وأرخى من المنشى مقدام ثعوله
كرستها في غاية النفس تكريس =للي بنوا في قمة المجد دوله
تاريخهم مسس على العز تاسيس=وسط الجزيرة ثابتاتٍ اصوله
يوم اليالي مظلمات معابيس =وكلاً من الحربة يسطر فعوله
الهم على جمع المعادي مراويس=حريبهم عيش الهناء ما ينوله
يجيه منهم في منامه كوابيس =ويشرق من الدار لا شرقو له
والي يبا يسوي سوات السناعيس=يحفي على الجرة سماري ذلوله
ما هو بحبر فوق بيض القراطيس=قلته ومن عقله طبيعي يقوله
كل الرجال محرقين المحاميس=لا مر ذكر الشمري صفقو له
وانا من الي يبعدون المراميس=عتيبه الهيلا ارموز البطولة
عراف وان ركبوا الخيل فريس=لاجاء نهار فيه صوله وجوله
ينكسون اعلام الاخصام تنكيس=واليا نزلوا في دار شدت نزوله
تاريخهم تضرب به اعلى المقاييس=وامجادهم ما سطرت بالسهوله
واليوم في ظل الحكومة خزا بليس=وكل يحقق في ذارهم ميوله
قلته بعد ما دق صدر هواجيس=واشتالني ليل السهر في حثوله
سلام ياهل المرجلة والنواميس=ساس المروة واالفخر والرجوله

وسلامتكم

صح لسانك

وكفو والله بسناعيس

ولاهنت يابندر ابدعت
تقبل اطيب تحيه

آخر تعديل فهيد مقعد الرويس يوم 24-May-2009 في 10:54 AM.