تسيّر ثـم تخيّـر لا تحيّـر والنصـع موقـوف///تركـد ثـم توكـد لا تجـي قـدام وخـلافـه

[آلاد غنـــام]

تحرك من هجوسي مثل حد المرهفات اسيـوف=ولا يهتـز جـاش الشاعـر ألا عنـد ميقـافـه
ولا يافالح اثنيـان بعـد اليـوم ويـش تشـوف=ما دام إنك عروف ومن سلايـل قـوم عرافـه
أسآلك بالذي يعبـد وحنـا لـه عبـاد ضعـوف=هل الحجاج تقبل حجتـه والبيـت مـا طافـه ؟
صبي شهران شفنا من طرفكم فالزمان عجـوف=ولا ينفع ذرا أهل البيت بعـد انهـدت أطرافـه
بعد ما كنتوا أهل الخير وأهل الطيب والمعروف=حصدتوا مازرعتوا في ثوانـي والسبـب تافـه
ولا تحسب عدم ردي على فعلك يسمى خـوف=ترا المومن إذا ما خاف ربه غيـر مـا خافـه
وترى الدنيا تلف ومن سكنهـا بالكفـن ملفـوف=ولا يبقى لها ألا ذكرهـا الطيـب مـع أسلافـه
وأنا أكتمها ولو هي جمرتن تالع بوسط الجـوف=أطفيهـا بقـو الصبـر وأرقـا راس مشرافـه
وأنا والله ما حرك ضميـري هرجـة الملقـوف=أجنب عن طريقـه ليـن يرضـا مـن تلقّافـه
ولو هو شخص غيرك قلت فرقا ما عليه حسوف=لكن اللـي سواتـك يزعـل الرجـال محرافـه
تسيّر ثـم تخيّـر لا تحيّـر والنصـع موقـوف=تركـد ثـم توكـد لا تجـي قـدام وخـلافـه
هذا خطٍ كتبته جـاك منـي فالـورق مـزروف=عسى اللي فيه يوفي بالغرض من عنـد زرافـه

للشاعر / عقاب بن عبدالله الغنــــامي