الابيات التاليه للشاعر / تراحيب بن سويلم العتيبي
قبيلتي بالطيب ترقى سنودها= الطيب كلّه ورثها من جدودها
عتيبه الهيلا ونعم القبيله=بالضيق فزعتها تعدت حدودها
اهل الكرم والدين والمجد والولا=واهل الشجاعه والقبايل شهودها
ربعي ذراي ورأس مالي ومكسبي= اخوان في نقص المعاني وزودها
اعوان في عسر الليالي ويسرها=على المحبّه والتعاون عمودها
افخر بربعي واتنومس بفعلهم = وفي ديرة الاجناب امثل وجودها
ليا مانفعنا بعضنا في حياتنا=مابه فوايد بعد مظلم لحودها
عضود برقا روق وبرقا عضودنا=برقا وروق وعزها من عضودها
من اتحاد شيوخنا واتحادنا=ماتت عدانا غلها في كبودها
ماتت عدانا من تلاحم صفوفنا=وصديقنا يفرح ويحزن حسودها