سلطان الجـذع
على النشمي عيون القوم حمرا والصدور تفوح = وانا أقول اركدوا عودٍ ماغير مخرفٍ بدري !!!
ليا اخطى لا يقال الا فدى ومن الخطا مسموح = لانه معظم الاحيان مايذهن ولايدري !!!
النشمي
تقوله وانت قلبك يالجذع من فعلنا مجروح=ظلمت القوم وانت اللي حزين وضايق الصدري!!
كشفنا خطتك ياللي تباها ذابح ومذبوح=لكن ذنبك على جنبك ياراع البوق والغدري!!
سلطان الجـذع
ياوجه الله جسد من غير روح ولانويت تروح = لو أني عنك في بعض الدعاوي ماني بمزري !!
على هونك هبوب الشرق يمك والبروق تلوح = قريبة منك لاتقعد تخيل البارق الحدري !!
النشمي
علومك كلها مالك وراها يالجذع مصلوح=تبا تهدم قصور العز ياللي ساكن الخدري!!
انا من خلقتي ماجامل الخبلان والسلتوح=واقول انته ياسلطان الجذع منته على خبري!!
سلطان الجـذع
ماهي بقصور يااهل السيل ,, غرفه بابها مفتوح :) = والا ياكثر مانسمع والا ياكثر مايطري !!
مدام أنك على ذكر المدايح ماانته بممدوح = انا لاخطيت في حقك حرام اسوق لك عذري !!
النشمي
ليا جا فيك طاري قلت سلطان الجذع طحطوح= لكن اثرك سوات الفار يوم يخرب الجدري!!
انا الليله نويت اثبت المسمار وسط اللوح= تبا تجر الجواري في سراها والدوى يبري!!
سلطان الجـذع
عليك الهون يالربان لاتغرق سفينة نوح = بسوق المسفلة مثلك مااعرف ابيع والا اشري !!
ياعنك انا نعدك وقتنا الاول طويل شبوح = لكن اليوم ماتستاهل أطرف بيت من شعري !!
النشمي
انا ادرسك واشرح وانت راجع درسك المشروح=لكن افهم وركز يالبيب القلب والفكري!!
تري ام اقرين ميتتها سبايب قرنها الناطوح=عن السكين تبحث لين طاحت داخل القدري!!
سلطان الجـذع
على الوجهين نياتك وفالمسرى عيونك لوح=لكن اطعتني ... ياصاحبي فالليل لاتسري !!
اليا كررتها وانته عن علوم الخطاء منصوح=ترى ماباقيٍ يمك هبوبٍ للسعـد تـذري !!
النشمي
علاك الله وكبر زاد نوحك ياحمـام الـدوح=وانا قناص مادور حمام الدوح والقمري!!
انا مغلط على شرواك والدنيا فرح ومزوح=سعد جدلان لامنك سمعته خل ابن حمري!!
« آخـــر الـــمـــشـــاركــــات »
15-May-2009, 10:00 PM
المحاورة المميزة لهذا الاسبوع
العرض الشجري