من معارك النفعه وبطولاتهم

[فوق الهام]

غزا النفعة بقيادة الشيخ سعود بن نافل الدهينة المسعودي النفيعي ( والد الشيخ مقعد الدهينه النفيعي ) الدواسر قرب الخرج فوجدوا إبلا للدواسر فاستولوا عليها واستاقوها فلما علم الدواسر بهذا قاموا بمطاردة الغزاة ودارت بينهم معركة عند الإبل انجلت بهزيمة الدواسر وقد قتل رئيس الدواسر ابن قويد
وسأورد بعض الأبيات التي قيلت في هذه المعركة . وكانت هذه الغزوة بقيادة سعود الدهينة وان ابن قويد المذكور اسمه مترك . مع العلم إن شبيب بن حجنة شارك في المعركة وهو من قتل ابن قويد .

فقال أحد شعراء عتيبة في تلك المعركة

يا ليت من يركب على وسق مضياح = عليه أوسع خاطـري ما عليه
اسرح صلاة الصبح والصبح ما نباح = ومسرحه من قاعـة المرقبيـه
والعصر عند مرويه علط الارماح = ألقى طوارفهـم حوالـي iiمليـه
ربع ليا جاهـم مـن النشـر صيـاح = تناوشوهـا بالحبـال القويـه
قبل أمس جروها ونادوا بالافلاح = يتلـون أبو قاعد زبـون الونيـه
غاروا على ابن قويد من دون مزاح=ما عرف دياره مار بالوصف ليه
وأخذوا قطيع به معاشير والقاح = ولحقـوا أهلها عـزوة صيرميـه
والكل منهم جامع قطعة رماح = ضار(ن) على فض الجموع الرويـه
ساعة تلاقوا بينهم واللحم طاح=أخذوا لنـا حامـي الجـواد الونيـه
وردوا عليهم ردة تبعـد الشـاح = ثـم انصـروه بحامـي الدوبليـه
شبيب زبن اللي تجاذب به اللاح = وسعود زبن اللـي تكالـح شفيـه
وجازي مروي للقنا محمل الداح=ولا واجهت قحص المهار بحليـه
يركض ولو هو حسب الروح ما راح=يبشر اللي سلعته جت رديـه
ومترك مروي مرهف السيف ذباح = وخالد يروي الحربه السمهريـه
اهمه كما سيل على الحزم جراح=وحنا كما ضلع(ن) طوال(ن) بنيه

أبو قاعد هو سعود الدهينة وأيضا والد الفارس المشهور مقعد الدهينة وهو سعود بن نافل الدهينة
وله من الأبناء قاعد وقعدان وغازي ومقعد