عايد العصيمي=
سلام لاهل المنتدى يبدي مثل مبدى سهيل=والشاعراللي نطلبه يقدم على حسب الطلب
سعود يفتل فالشنب في كل يوم وكل ليـل=مايدري اني ماحسبت احساب فتله للشنب
سعود العصيمي =
يامرحبا من شاعرٍ منهم ويوفي كل كيل = واللي طلبته جاك ما خلاك ياراع الشبب.
سعود يفتل فالشنب ويشيل ماشاله شعيل = وانكان ماتحسب احسابه قلقلك وسط اللهب.
عايد العصيمي=
شيل الحموله ياجمل لكن حملـك لايميـل=ان كان تحمل حاول انه لايبين ابك التعب
جيتك وانا ناويك بالمهجاد بالسيف الصقيل=مابيننا مزح ورجا من بيننا نـار وحطـب
سعود العصيمي =
الاوله في جبهتك ياراعي العرف القليل = والكلمة اللي جبتها عود بها يابو لهب.
انكان تبغى الحرب ياعايد ترا حملك ثقيل = مامعك حيلة صارمه في صاحب السيف الحدب
عايد العصيمي=
اناقوي العرف مابغالـك شهـاده ياالبخيـل=ونته تنكب ثوبك امـع النـاس دوم وتنكـب
قالو شجاع وقلت يجفل لاسمع صوت الصهيل=وانا على ماقول قدم الناس واصرف لك ذهب
سعود العصيمي =
انته تقوله بس ماعندك على علمك دليل = والحجة بغير السند تدخلك فابواب النشب.
انا عدو القووم ماعاديك هذه مستحيل = وانكان ماطاوعتني اغضبك في وقت الغضب.
عايد العصيمي=
كملك سنه ونته امريح في ذرا الضل الضليل=الشيب بان ولاوقفت ابوجه سرب امن السرب
درست في وسط المدارس بس ماشفنا حصيل=لكن ابعلـم اعيـال العـود طالبهـم رسـب
سعود العصيمي =
انا وقفت لروس قومٍ من مطير ومن هذيل = تشهد لي اصحاب الوفاء والطيبين من العرب.
واليوم دورك واحتزم لاعاد تومي بالشليل = معاد الك عذرآ تعذربه بماجوبٍ وجب.
العرض الشجري