أبو سرداح المزيني الحربي:عيب عليكم تجدعون الهدومي=وايمانكم تكنس طريق الطوابير

[ناصر الهيلا]

هذا قصيدة الشاعر فهد أبوسرداح الحصني المزيني الحربي
قاله بعد معارك ومضايقات للأتراك لحرب ومساندة بعض شيوخ حرب للأتراك
والقصيدة واضحه لاتحتاج شرح:

هاض المزيني والخلايق سجومي= قيفان ابوسرداح ورد ومصادير
عيني قزت عيَت تهنا بنومي=حمر الطواقي شقت منهم تناكير
ياحرب قومو قبل فتح الثلومي=من قبل شدَ الوثر هو والشواغير
قبل العساكر بالمنازل تحومي=بعينك تشوف الباقصه والمناكير
قطع الخشوم وفركةٍ للرسومي=والراس يرفض عن جميع العياطير
تعبَروا باهل اليمن يالقرومي=دون المحازم والبنات المساتير
أفعالهم جتنا على وسق كومي=من فعلهم سمنت اضباعٍ مقاصير
اللي مضا يا حرب مانتم رخومي = وايست منكم يوم جتنا البوابير
عيب عليكم تجدعون الهدومي = وايمانكم تكنس طريق الطوابير
وانخى هل الفقره لهم دين يومي=وحضر وقت الدين ما فيه توخير
اولاد حمد يا طنا كل رومي=زدتم بنقل القفش وانتم بواطير
واولاد حازم باللقى والزحومي=سمٍ على كبد المعادي زمهرير
وانخى ابن مبيريك عنان العزومي=ريف الضعيَف بالليال المقاصير
واصيح وانخى حرب عمَا لمومي=ما طر من الأبحر إلى نجد تحدير
وانخى الشريف ومن بحبله يقومي=يالهاشمي ساس الصخى شفت تغيير
الرزق عند الله يجي كل يومي= ومن مقدمٍ عشنا بليَا بوابير
ولزماً تقوم وجعل حظٍ يقومي=تحرصوا قبل الرشى يرهج البير
الله من مرٍ بكبدي يزومي=ما دام ما شفت الجنايز مقاطير
من أيمانا يا زين قرط السهومي=والفعل عند مدبر الأمر تدبير
نبي عليهم يوم عمَا لمومي=باطرافهم نذبح سواة الجزازير
ومنهم نعشي الطير بدغم الخشومي=والموت ما خلى الحباري مخامير