ضاع بالمهمهيّه.

[مرزوق حمدان العتيبي]

	عديت في راس الطويله وغنيت=طرق ٍعلى المسحوب وقت العشيّه في راسها عديت واقبلـت واقفيـت=ارض ٍ خلا مـن خلـق ربـي خليـه وهاضت هجوسي بالقوافي وسويت= جزل البيوت اللي لها قابليه مما طرالي قلت ياليت ياليت = وقت ٍ مضى بالحال يرجع عليّه وقت ٍ مضى مع كامل الزين والصيت = اللي بكل الناس مابه حليّه يالله ياللـي فارضـن حجـةالبيت=ياعالـم المكنون في كل شيّه إلطـف بقلبـن حرقـتـه التناهـيـت=وتلعب به الافكار روحه جيّه من كثر ما اعاني من البعد ونيت=ونّـه لها فالقلب خمسين كيّه) طافت سنه يا ناعم الخد ماجيـت= طال انتظاري واشتياقي قويّه من كثر شوقي لك تشتتت تشتيت=كنـي مسافـر ضــاع فالمهمهيّه انت الغـلا في داخل القلب حليت = ولو تطلب اعيوني تجي لك هديه فدوة اعيونك ماجمعت وتمنيت=اي والذي كوّن محبتك فيّه

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD