البعد قتال

[سلفستر]

يمكن تغِيبْ ويَحْكم البُعْـد .. ويِطُـول
ويحيل دونك أشْهَبَ الفَقْـد .. والـلال
وأشْعُرْ بشي ٍ داخِل الصَـدْر .. مجهـول
لكنْ / بقا لك داخِلَ الـرُوحْ .. مِنْـزال
لوّ لغيابِك .. سيفْ .. ما مات مقتول !
يحيي شُعُوره .. لأدهرْ الوَقْـت : آمـال
يا ما ، بروحِي أبْسِط الأرض .. وتْجُْول
حِبِّك صِهِيلْ .. وراعِي الوَجْـد خيّـال
حتّى المِشَاعرْ تَنْضِمْ الشُوق .. وتقـول :
وينك ؟.. عِيونه مِزْن .. والدمْع همّـال
احْتَاجْ لِكْ .. لوّك عن الحِبْ ،، مَشْغُول
ليتك تجُود لراعي الصُـوتْ .. بوصَـال
آخر قِصيدي .. بين الأفَواه ،، منْقُـول
من زود ما بي أسْأَلْ النَّاس : مِنْ قـال؟
شِفْني نسِيت إنّي أنا قِلْت .. وأقُـول :
بِيتْه يِهِدْ بداخْلِـي صَمْـت .. وجبَـال
يا غايبي .. مِثْلي به إحْسَـاسْ مرسُـول
إنْ زادْ عن حدّه .. طَغَى حِيل واغتَـال
يِغْتَال فينـي روحْ .. والبُعْـد مَسْـؤول
عَنْ مُوتْ روح إنْسَانْ للحبْ .. ما زال !
تدْرِي أَبَنْهِي قصة الشُوق .. مذهُـول !
وأصْرَخ وروحي عايشَه عَنْك تِرْحَـال !
صَرْخَة .. وصُوتِي يَسْأل الناسَ : معقُول؟
ما يَدْرِي إنْ البُعْد لِلْقَلْـب .. قتّـال ؟!