ابو مناسيب
وين معجب ياعتيبه نبا نلعب معاه= راعي الفزعات والنار من شبابها
المزون تخيل والبرق لايح في سماه=ارفع الرايات والنار من شبابها
معجب العتيبي
كل صاحب دوّر صحيبه الغالي لقاه=وابرك الحزات والنار من شبابها
راعي النيه عسى الله يحقق له مناه=ويبشر بوقفات والنار من شبابها
ابو مناسيب
العتيبي وقفته كنها ضلع السراه=أرك بالاصوات والنار من شبابها
علم الروقه تحيزم على كل اتجاه=للولد غايات والنار من شبابها
معجب العتيبي
والعتيبي فزّته فزّت الذيب لعشاه=لاتجي غلطات والنار من شبابها
فاللزوم الروقي الحق مايبغى وصاه=ساعة الشدات والنار من شبابها
أبو مناسيب
كفو ياربعي ولكن دوك العلم ذاه=تشهد الطالات والنار من شبابها
الا انا بنشدك وش شفت بشيوخ القضاه=حسنه وسيات والنار من شبابها
معجب العتيبي
اكتب التاريخ يامحمد وزيد الرواه=بأطيب الكلمات والنار من شبابها
اترك القاضي وخله ولا تبحث خفاه=ركّز النظرات والنار من شبابها
أبو مناسيب
ماسكٍ سنه محمد وطيب فالصلاه=مانروح اشتات والنار من شبابها
صاحبك يالقرم يعرف بيوعه من شراه=وانت لك شوفات والنار من شبابها
معجب العتيبي
تابعه خطوه بخطوه ولاتترك خطاه=واحذر الزلات والنار من شبابها
يامحمد كثّر الوصف واكتب للهواه=وادخل المزحات والنار من شبابها
« آخـــر الـــمـــشـــاركــــات »
04-Apr-2009, 07:39 PM
العرض الشجري