كديميس العصيمي /لفتكم التاريخ بأطراف خره

[أبوضاري]

هذه القصيده من أحد قصائد المرعب الشاعر/ كديميس العصيمي رد على شعراء الهطيقا اللي منهم عضيب =والقطش

سر ياقلم واكتب جوابـي وشـره=واشرح لداعينا صريـح العبـاره
اكتب جواب ٍ بـه للأنظـار غـره=لان العضـب مايفتهـم بالاشـاره
مغير كـود اللـي براسـه يعـره=فيهم عن التلميح ضعف وثـواره
العام مخلابي صطـا بـه وقـره=واخذ سنه ماشررت لـه شـراره
يغـط جايحـة الصـواب ويـذره=ويكن من بعـد الزقـاره زقـاره
ورسايل لي تعرض عليـه وتمـره=لكـن مايوجـد بجسمـه حـراره
واليوم جا له في ذرى الصقر فره=مثل السلوقي تحت ظـل الصقـاره
له بندق ٍ عوجا قطرهـا يغـره=يخطي خصيمه ويتفوه بجـاره
يذكر زمان ٍ فـات حلـوه ومـره=وده يفر المعتمـد عـن مسـاره
لانه لقـى مافيـه شـي ٍ يسـره=وتجرعوا عقب المـراره مـراره
لفتكم التاريخ بأطراف خره =في ماقعن تحرم عليه الطهاره
يـوم القبايـل بيـن فـره وكـره=وكل ٍ على شلفاه يرفـع شعـاره
جينا من الحره علـى كـل حـره=بنمر ٍ لها نـور يتطايـر شـراره
جينا نبـي نجـد ودهاكيـل بـره=وحزنا لقبضتنـا السنـام وفقـاره
وزحنا الجموع اللي كما خشم حره=وخذنا من الراس الكبيـر الأمـاره
واجنب كبير الجاه واخلـى مقـره=وأقروا قصايد جارنـا فـي ديـاره
وعجزت تبيده السنين وتفره=أذا خسر غاره بداله بغاره
يجر غاراته وجره بجره=ليا زارنا قمنا برد الزياره
وهل نجد من شاف القمر والمجره=يدري بماضبنا وكيف أزدهاره
وانتـم عليكـم بالقدايـم معـره=يوم ان كل ٍ في عيونـه حمـاره
الكم اصرار عنـد نايـف يصـره=والكم بديوان الدويـش استمـاره
لاتنتحـل غاراتنـا يابـو فــره=السيف مايشبه محـش النجـاره
تبـي تمارينـي بحكيـن تـكـره=وكل الكلام اللي تقـول استعـاره
حنـا ليا جينـا الحرابـي نضـره=وتكثر رزاياكـم بوسـط المعـاره
سلـم لنـا داره ويصبـر بحـره=ويرحل من الديره ويمضي قـراره
عقب القصيد اللي جهر به وأسره=تغانـم الفرجـه سريـع ٍ فـراره
وطرق على خشوم الضواحي ممره=ولا عـود الا مـن مذاريـب واره
وترى العصيمي قد بلاكـم بشـره=وداجت على روس اومراكم مهاره
وجاب الغنوج اللي جعدها تشـره=على القعود اللي عليـه الغيـاره
وخلى لكم مع مضنك الريع صـره=مثل الاداما ليـا حدتهـا النمـاره
جمع العتيبي لانصاكم يجره =كل الهطيقاء ماتحمل مغاره
ومهما تقول وتدعي يابـو صـره=ماهزت الركن الشديـد الدعـاره
ولو فيك من سمت الرياجيـل ذره=ماانكرت حـق مكبريـن المنـاره
اللي لهم في منبـر المجـد جـره=والهم من أشراف المعاني خيـاره
ومن مسته غبر السنين بمضـره=يختارهم لإطلاق محكـم وسـاره
يقفون في صفه ويـدرون ضـره=حتى على خصمه يتـم انتصـاره
يا عضيب صوبتك ثمانيـن مـره=مير انت مثل اللي دماره عمـاره
لوكان في كل الليالي يشره=يربي مع الشره ويكبر فقاره
وحنا ليا كثرة علوم المكره=مان بمثل اللي يقرط بجاره
ندرا حقوق الجار لوكان مره=ونعد زلاته علينا عياره
راع الونيت اللـي هجدكـم يـزره=تقـول ماقدمـه قبيلـه وحـاره
بينك وبين ابيـوت ربعـك يفـره=حتى ربح وانت رضيت الخسـاره
سـرى بـشـاة الـذيـب لله دره=وانتم تخامرتـوا سـواة الوبـاره
رمحـه طويـل ٍ مايخيـط معـره=من لامجه يخرب مجامـع وزاره
اهبوا هبيتـوا يالوجيـه المكـره=فرض عليكـم هيبتـه واعتبـاره
والعام يوم انه نغـزك أبو مـره=وحطوك في سجن ٍ طويل ٍ جـداره
جودك على راع الجريمة تشـره=الله يلومـك ياعديـم الـمـراره
رمحك تجره ميـر مابـه مسـره=جودك تصيد به سميـن الوحـاره
وقميصك اللي فوق جسمك تـزره=من وين جالك يا الأوعيضب زراره
مـادام مختلـط ٍ شعيـره وبـره=ليتك تجنـب مظلمـات الجحـاره
أبوك بأطـراف السمـاوه مقـره=شغـال مابيـن الثفـر والوثـاره
على حمـاره بيـن زفـه وجـره=بنا لكم يااهـل الهكـارا سفـاره
وانته تعزوا بـه ودعواكـم مـره=مصدرك بين المجحـره والمغـاره
الناس تعرف كـل صـر بمصـره=والطيب طيب والعصاره عصـاره
وأخوك بالجيش العراقـي يشـره=ويقبض على عبد الحسين الخفاره
وغزا مع الجيـش العراقـي ودره=وشواه طاغوت الخمينـي بنـاره
والقطـش دافـوره عليـه يـوره=والحوض مليان ٍ قطا في قشـاره
ادري إن ماقلته يغيـض ويضـره=لكـن هـذي رغبتـه واختيـاره
صديت عنـه وكلهـا لـه مبـره=ولو صد عني قلـت جعلـه وداره
لكـن محـراث المغاريـب غـره=حتى هتك سيف الزناتـي ستـاره
لأنه غـرور وبوهتـه المغـره=وباعه قصير وفي لسانه عهـاره
ياعضيب قل للقطش ينظر بصـره=وقله يبرق فـي وسيمـة حـواره
ماله ومال إخبار نـاس ٍ تغـره=يكرس جهـوده دون عـاره وداره
وشلون في حق العناتيـت شـره=ولأفك من بول الحرامـي وجـاره
ملك عليه بليل مـدري استسـره=وصار الوعد سري بشان الزياره
والعلم من عند العصيمـي تحـره=اللي يزلزل لك كـراس العمـاره