ما بقى شيئاً نداوم على شأنه

[بندر المرشدي]

السلام عليكم ورحمة الله وبركاته


ابيات ارجو ان ترتقي الى مستوى اذواقكم ...


عبدالله بن عبدالرحمن العمار .. رجل غلبني بطيبه وعندما سمعت

اخبار نقله الى جهة عمل أخرى قلت هذه الابيات ...

مكتب المشروع ماعاد له حاجة=مار صكوا ياهل الشأن بيبانه
واكتبوا من فوق بابه ومزلاجه=ما بقى شيئاً نداوم على شأنه
صار علة قلبي ومصدر ازعاجه=فيه كأني عايشٍ وسط زنزانه
لا ذكرت اللي على الطيب منهاجه=ايتضايق خاطري بين جدرانه
واحدٍ لا جيت له يضحك حجاجه=وان طلبته فزعته ثار بركانه
يصطفق مثل البحر ترعب مواجه=وان هدى مزن يباريه ربانه
كلما يصعب على يديه مخراجه=لا وقف للكايده مالها خانه
ما تشيله نجمينه ولا تاجه=هو يشيل الرتبه بهيبة امتانه
يوم يفزع ماحسب هرج هراجه=فطرةٍ من خالق الخالق سبحانه
ما يحب المدح ماهو بمحتاجه=مار ما في قلب بندر على لسانه
عن شعوري قلت اعبر من انتاجه=واذكر العمار باسمه وعنوانه

...وسلامتكم...