(من غروب الشمس) سويلم الخراص

[ابودله]

من غروب الشمس حتى عصافير الصباح ـــ تصحـي العالـم وأنـا حالتـي يرثالهـا
ول ياقلـب بليلـه دقيـقـــــــــه مااسـتـراح ـــ يضـرب الغبـات مـن جالهـا لجالـــهـا
أشرب الماء ملح لو إني أشربلـي قـــراح ــ والحمول اليوم عجـزت تقـوم جمالهـا
مابلايه من هوى خدرتن تلبـس وشـــاح ــ ولابلايـه نقـص درهـم وزود ريالـهـا
علتي من فارتن تختفـي خلـف السنــــاح ـــ فـارة نجسـه علينـا تـكـز عيالـــــهـا
آه يالقدس الشريفـه وياضـرب الرمـــــاح ــ الأرامـل تتـرك ويذبحـون أطفالــهــا
وحسرتي من شايب شاف ورعه يوم طاح ــ قصوا رجوله وضـم الـورع واشتالهـا
وحسرتي من حاكمن هز الامه يـوم راح ـــ اشنقـوه العيـد فـي المشنقـه وحبالـــهـا
ايه دمع العين يذرف ودمع العيـن فـاح ــ لامتـى تبقـى فلسطيـن فـي موالـــــهـــا
وين عهدك ياعمر وين عهدك ياصـلاح ــ وين عهـد الراشديـن وعظيـم أفــعالهـا
وإلا وقت اليوم مجلـس وقمـه واقتـراح ــ واليهـود المجرمـه مسرفـه بأعــمالهـا
مير تكفى ياأبو متعب هجاد مـع صبـاح ــ حلحـل الحيلـه بحلـك علـى مـــــحتالهـا



لشاعر سويلم بن عرنان الخراص العتيبي