نايف سندك إن كان وإنك تعــزويت

[عبدالله الاصعر]

بسم الله الرحمن الرحيم
إهداء من الشاعر/عبد الله بن مصلح العضياني العتيبي
لمقام صاحب السمو الملكي الأمير نايف بن عبد العزيز آل سعود وزير الداخلية

نايف سندك إن كان وإنك تعــزويت

هاضت هجوسي بالوفاء واسفهليت = يا كاتب اكتب واعتمد جزل الأبيات
جزل القوافــي جتك بيت وراء بيت = مصروفة مـــــثل الذهب والجنيهات
فيها الوفاء لأهل الوفاء يــوم غنيت = وفيها الغلاء لأهل الغلاء والمقامات
حق علينا أكبر مــــــن جبال حليت = وإلنا الفخر وإلنا الشرف والممارات
في مدح نايف نايف المجد والصيت = حــر تعـــلا واعتــــــلا فالطويلات
أنا أشهد إن العود حــــي ماهو ميت = عقب صقور تحتمي كل مجـــــهات
بالشرع سادوا وإحتمـوا دولة البيت = وبالعدل والحكمة والأرياء السديدات
عاشوا هل العوجاء الزحول المناعيت = الــــــلي لهم صولة وطولة وهيبات
ويا الأمن في عهد الأسود إستقريت = بأمر الإله الحــــــق رب السماوات
دونك صليب الرأي مثل الدنـــاميت = دونك يقف مثل الحــــيود المنيفات
نايف سندك إن كان وإنك تعــزويت = يا ويل من حاول يجــي فيك هزات
قول الحقيقة ما نجيب الصـــــلافيت = هذا الأسد ذخر الأسـد في المهمات
بالـــــــــعزم فتت وحدة الشر تفتيت= معه الرجال أهل العـــزوم القويات
كـــــــــلٍ يقول أفخر لا مني تفانيت = دون الوطن وأهل الوطن والقيادات