سر ياقلم واكتب علي البوك الاداب= علي ترتيبه ومنك الكتابه
سجل بيوتٍ حضرن حال حضاب = تواردن والقيل فيكيت بابه
نبي نتوجه يم دار للاحباب= تسوقن الرغبة لدار القرابه
يازين لمنك تنصية لاصحاب = ويازين جيت غالي من غيابه
الخال نادانا و يانعم الا لقاب= الخال نادانا وقلنا هلابه
من دار بقعاء دار عربين الانساب= ديرة سعد وبريك ديرة عتابه
جينا علي العجلات عجلات الانداب= ولا ضربنا للمسافة حسابه
مرامنا ساجر و توجيب الاقراب= ومواصل لاقراب مابه غرابه
ما جابنا غير المحبة والاعجاب= وياجب علي المدعو قبول الاجابه
سلام يالمحفل شباب وشياب = سلام ياهل المرجلة والمهابه
سلام احلى من هواء كل خنياب= واحلي من المي الزلال بشرابه
الابة اللي بالفخر تلبس الكاب= ربعي عتيبة عز من هو لجى به
لطامة العايل لياعال حراب= ذباحة الحايل وتدعى شبابه
سجل لها التاريخ صفحات وابواب= مجدِ ينومس كل قاري قراء به
ولو ابدون ماحصي الفعل بكتاب= يشيب قاف الشعر ماحصي حسابه
ماقل دل وصامل الهرج ماصاب= الله يهدينا هداه وصوابه
وصلاة ربي عد ماسالت شعاب= علي الذي مدفون في دار طلبه
« آخـــر الـــمـــشـــاركــــات »
20-Feb-2009, 10:28 PM
قصيدة الشاعر فهد بن محمد بن راشد الواكد في حفل الاساعدة بساجر0
العرض الشجري