ترى لى الفخر كان الشطيطي شافته عيني

[سلطان المفرجى]

السلام عليكم ورحمة الله وبركاته
الاخوه المشرفين والاعضاء والزوار الكرام اليكم هذه المساجله بيتين من الشعر بيني وبين الشاعر القدير زياد الشطيطي وهي ترحيبيه وحصلت قبل مده عندما رايت الشاعر القدير يدخل على اغلب محولاتى الشعريه ويعقبها بالاطراء الذي اعتبره شرف لي مع انني لااعرفه ولايعرفني وقدبداة بقولى

الا ياطير خذ مني رساله ودها لزياد =رسالة حب مع تقدير غلفها رياحيني
عزيز الجانب الي مايجي من يمه المنقاد=يدل الدرب ما يخطي سلومه والقوانيني
من مطير الوفى والعز رايتهم على الاشهاد =وترى لى الفخر كان الشطيطي شافته عيني

ورد الشاعر القدير زياد الشطيطي بقوله

هلا يا مرحبا باللي على علم الوفا معتـاد=انصّيها على سلطان راع العرف والديني
قرينا ماكتبته وانت من قومٍ لهـم ميـراد =حقيقه والحقيقه ما جهلها غيـر غاوينـي
ولن جيت الشطيطي والله انه ثالث الاعياد=على شوفتك كل مطير وعتيبـه تهنينـي

والله لا يهين الجميع قبايل وافراد


سلطان المفرجي