طبع الهطيقا تحابالـه علـى اركبهـا

[أبوضاري]

عبد العزيز ابن حمود المزيني
يقول عبد العزيز :


ورثت حمس شالها كديميس بحثوله= وجلس خلافه على نـاره يشببهـا


وهذا الجواب من الشاعر المرعب/ كديميس العصيمي ونقضها في حينها بتلك الصارمه

سر ياقلم واكتـب الكلمـات مفتولـه=خل الحرابي اليا غنـى يغـص ابهـا
ليا افتر قطب الرحى يفتـر ماحولـه=دارت دواليبهـا وارقـب مراقبـهـا
وش عاد لو يومي الحربي بمخيولـه=يطويه في الملعبـه جنزيـر لولبهـا
خله على شان يثوي الـلاش بحمولـه=ليا صار بين الضلاف وغاص شاذبها
يسحب على جرته لانحاش هدموله=ويخفي مماشيه حتى لايقص أبها
غنيت لي كلمة ٍ تفـرص ومعقولـه=من سمعها مايكـذب قـول لاعبهـا
كلمة وفاء عن هل التاريخ منقولـه=برهانهـا مـن مصادرهـا يواكبهـا
مره على حـال والا حـال معسولـه=نرضي بها ناس والا نـاس نغضبهـا
ومن عقب قلت الكلام وبان مفعولـه=اشـوف جيرانـا قربـت حضايبهـا
ارقل بها الغيض والانـذال مرقولـه=كم شاعر ٍ قبـل كلماتـي معذربهـا
ناس ٍ على الكذب والبهتان مجبولـه=ابليس في حفـرة الزهلـول دردبهـا
وان كان عزوز غنى ضايق ٍ جولـه=كم من رجال ٍ قبـل عـزوز نتعبهـا
ان قال والا عقـب دعـواه منشولـه=قبيلتـه مخلـب النـقـاد خالبـهـا
واسيوفك اللي علينا اليـوم مسلولـه=في يوم عرجا ثوت عن نقل واجبهـا
بيوم ٍ يشيب هل العادات مـن هولـه=فيـه المنايـا ممـددت ٍ مخالبـهـا
حيث انحنت وانثنت في الحرب مخذوله=وفسقانها فـارق الفسقـه وجنبهـا
والهودج اللي عليه البنـت محمولـه=جينا نقود الجمـل والبنـت نسحبهـا
يوم انثنى سيفكـم مافـك مجمولـه=خذنـا ذهبهـا وقطعـنـا ذوايبـهـا
حسنا سحبنا جملها من ورى الضوله=ومحسن عطيناه نجل ٍ مايقـوم ابهـا
ان جاء نهار ٍ به الأصـواع مكيولـه=الكفـه اللـي توالينـا نميـل ابهـا
كم شيخ قوم ٍ تداولنـا معـه دولـه=من بيننـا رايـة النصـر انتجاذبهـا
حنا حربنـا زحازيـح ٍ لهـم صولـه=اللـي تـروع قبيلتـكـم مواكبـهـا
وانتم ليا شفتوا الحاكم ربضتـوا لـه=طبع الهطيقا تحابالـه علـى اركبهـا
ومكه لكم ضلع مع من ولع الكولـه=تتلون من زاور الكعبه وطـاف ابهـا
قضية ٍ وانتهـت مالـك بهـا طولـه=حنا لنـا راسهـا وانتـم ابمجعبهـا
بنخيل الاجـواد منخولـه ومشخولـه=وعقب اكتمل عقدهـا غامـر مرتبهـا
ياالخمه اللي على الساقـات متلولـه=ترتيبهـا عاقهـا وارخـى مراتبهـا
وراك تنقص سهمنا يأأبو دلدوله = الله وأكبر على الكلمه وكاتبها
قبيلتي عن هزايـم حـرب مسؤلـه=ولا حصلت عن خطاها مـن يعاتبهـا
محدن خذا الثار منهـا دون مقتولـه=حيث انها في الوغاء ينهـاب جانبهـا
حنا اليا اكتض سوق الحرب بفحولـه=كم مـن جمـال ٍ ان سيـل دم غاربهـا
اليا اشتبت النار بالفرسان مشعولـه=تشوي وجه مـن يصاليهـا بلاهبهـا
قبيلتي في المعارك تكسـب الجولـه=ويوم المغـازي تخطراكـم نجايبهـا
ابن مشلوط تعشـوه وخـذوا شولـه=في ساعة ٍ راعي الطوله يفوز ابهـا
وطرش الشعافين جينا به على حوله=اذواد لاشافهـا الـوبـال يرغبـهـا
يوم ان ناهس خفر ربعه وذلـوا لـه=قبيلـة ٍ لومهـا مـن راس مخلبهـا
جينا على حزّب ٍ مثل القطـا الحولـه=من سرعهن يضرب الأوهام حاسبهـا
وزحنا الجهامه بيوم ٍ كـن هملولـه=هملول صيف تحـدر مـن سحايبهـا
ولحق الطلب وانثنى مـارد زعجولـه=ماطاع شيخ السريه يوم يندبها
قبيلتـي يـوم كـل ٍ تذكـر افعولـه=غصب ٍ على حرب عاليتن مناصبهـا
واحلوقكم يـوم ذاك الوقـت مغلولـه=كم مـرة ٍ عـن هقاويهـا انتوبهـا
ويوم المغازي وراية حـرب مكفولـه=ليا هزها الحرب شافت راي صا حبها
ليا ثار مدفع هل البلهـا توحـوا لـه=ثم هرولت يـم مدبها وعاصبها
يقول ياحرب ذيل المجد صيحـوا لـه=والا وله خمـة العيبه محاربهـا
احتار في صاحب الخيمـه وحنشولـه= أن ما لقاله حليله حرب حلبها
ويدنكم عن حقوق الضيف مغلوله=أبن معتيق بقيفانه معاقبها
غناء وحناء أيدكم بمقتضا قوله=ولبسكم الفروه السودا وقالبها
بعد خطركم وشاف اللي فعلتـوا لـه=شنينة ٍ ماقدر فـي البـرد يشربهـا
وياعضيب خلى المجال بعرضه وطوله=خلى الملاعب لرجالا يلاعبها
لانـك حديدتـك مشعـوره ومدبولـه=ومربوطة في كراع دهيم قاضبها
ياعضيب نسبتك في مسروح مجهوله=كم واحد ٍ من عرب مسروح يشجبهـا
في رجل مسروح مربوطه بصامولـه=ومن هشها كل مسمار ٍ يخـش ابهـا
بين النجف والرمادي يشغل شغولـه=اللي بها النقص حاضرهـا وغايبهـا
يسرحـه عابـد الاصنـام بخيـولـه=واله سبحة ٍ في عشر عاشور يحسبها
جاك الكتاب وتملـه وافهـم فصولـه=وشلتك اخذ رايها فـي مـا يناسبهـا

للعلم قمت بحذف 25بيت من القصيده أكراما للعقلاء ......