القصيده لشاعر حسن الحارثي في الشيخ هادي بن ناشي الفليت العتيبي

[عبدالله هادي ناشي الفليت.]

هذه القصيده لشاعر حسن الحارثي رثاء في المرحوم بمشية الله العزيز الغالي الشيخ/هادي بن ناشي الفليت العتيبي

يقول من حام ورقا فوق زمزوم=رجمآ طويل ومن خيار المبادي
جيته عصر والجو في صح واغيوم=ارض وسما واسحاب كحلي رمادي
جيته وانا خطري غبن وهموم=لاهم يستحمل ولاغبن عادي
جاني خبر يادوب ما أوحيته اليوم =واقشر خبر جاني وضيع رشادي
قالوا من المفقود قلت اطيب القوم=والقوم ماتلقا عوض مثل هادي
رجلآ عزيز ولا مخافه ولا لوم=واليا مدحته كان غاية مرادي
وابوجزاء نادر وصوفه ومعدوم=واللي يحاول يوصفه قلت غادي
والمعرفه ماهي بليله ولا يوم=وهادي محيـط ولاتشوف إله حادي
طيبآ وعز وجاه واثبات وارسوم=واحصون مبنية في كل وادي
مرحوم يانجم الرجاجيل مرحوم=ياخير من مر الحظر والبوداي
ومرحوم يامن كان له ورث واقسوم=من كل طيب وكل خافي ويادي
وابوجزاء والحارثي كنهم التوم= وان طال غبن الحارثي عقب هادي
الادمي عمره مقدر ومقسوم=ولاعاش زرع إلا وجاله حصادي
يالله عسى هادي من النار معصوم=ياواسع الرحمه يارب العبادي
وصلوا على من شرع الحج والصوم=محمد الهادي وياخير هادي

تحياتي لكم
عبدالله هادي ناشي الفليت.

آخر تعديل عبدالله هادي ناشي الفليت. يوم 02-Feb-2009 في 01:28 PM.