لو ترسله للبقالـه جـاك بمطمـه =كذوب والصدق ماينطق به لسانـه

[ب الصفياني]

بعض الريجيل ما يسوى حليب أمه =الطبع خربان والأفكـار خربانـه
خبل ٍ منافـق لا ديـن ولا ذمـه =هم ٍ وغم ٍ علـى ربعـه وخلانـه
لا عاد كدشتك يا ذا الفيده الرمـه =الأبو زعلان وأمه منـه زعلانـه
أما حكى فيك وألا جاب لـك نمـه =يقول أنا أسمع وأشوف فلان وفلانه
أترك قليل الحيا اللي مبغض دمـه =وموذي الدار وموذي كل جيرانـه
ترى الرجوله ماهي بالثوب والعمه =وألا السهر بالملالـه دان يادانـه
وألا التليفون يـوم يـدق بيخمـه =يعاكـس الناس وهو شبـه ذبانـه
لو ترسله للبقالـه جـاك بمطمـه =كذوب والصدق ماينطق به لسانـه
وأن راح للسوق تلقى غمته غمـه =واقف على الدرب ويطالعك بأعيانه
تقول ورع ٍ رضيع ٍ مشتهي بأمـه =أما لقى الديس عود يرضع أبنانـه


منقووول........... أبو ماجد