أمارةً ما تبيظ وجه راعيها = مثل سراب الضحى يضحك بضميانه

[النووي]

كــــــــــــــــــــــــــــــل عام وانتم بخير

متواضعه ومعبره للشاعر كرباج العتيبي

امـارةٍ ماتبيـض وجـه راعيهـا=مثل سراب الضحى يضحك بضميانه
اختومكم ياجماعـه برقـوا فيهـا=كلن يوقع بختمه بيـن حجانه
الشيخه ألي على ضعـفٍ مبانيهـا=مثل المراسل لاضيع رمز عنوانـه
ان كانت الناس ماتاتـي وتعنيهـا=وش هوله القصر لافتحـت بيبانـه
من اول الخلـق ياأفنـدم لتاليهـا=تبغى لها بيـت مرفـوعٍ ابعمدانـه
يطربك شيخٍ امور الخلق يقضيهـا=كم قالةٍلاعصت تخضع على شانـه
امور ربعه قبـل حالـه ؟ يوفيهـا=بالمال والجـاه والا قـوة ايمانـه
والا البشوت الحساويه ابنشريهـا=وياكم هياكل تجي فالبشت مليانـه
هاذي انشخصبها واخرى ابنهديهـا =وكلٍ على شيخته مع حضرة اخوانه
خلوا أسامي مع الجـدان نوحيهـا =وقتٍ مضى يفتخر بفعـول حيانـه
بالمختصر والحروف الي امسويها =مابه امـاره؟ بـلا فعـلٍ ابرهانـه
طواري النفس ياما اكثر طواريهـا= والعين ياصاحبي لطيـب شفقانـه
هاذي حروفي على كيفـي بغنيهـا =الفكر؟ والنفس ؟ والاخلاق طربانه