((وقت الظهيره))الشاعر ماجد الشغار

[سفير الدوله]

من جديد الرائع / ماجد بن بدر الشغار

وقت الظهيرة كن جوي مظلـم=مابه على العشاق لوم وغرابـه
مريتنـي ولا طرالـك تسلـم=ماتدري إن الهجر حزن وكآبـه
ابى اتكلـم ماقـدرت اتكلـم=رغم اني اشهر من علم في عتابه
خليتني مثـل الحصـان المبلـم=ولبست ثوب الكبرياء والمهابـه
على كذا والله ماتبغـى معلـم=تخشى من اللي حط حولك رقابه
انفض بيارق جيش حبك واسلم=وانقاد معك بوسع صدر ورحابه
لو إني ارقى للكواكب بسلـم=أهون علي من الفراق وعذابـه
ولو أدري إنك من فراقي تألـم=نفضت لي كم بيرق ٍ من عتابـه