اتشرف بالانضمام الى المنتدى الذي يحمل اسم غالي علينا
وهذه اول مشاركه لي
ابيات متواضعة اتمنى ان تنال استحسانكم
ايه ابكتب فالقصايد واسبح ابحور المعاني=دام خلي وافياً لي فيه يازين القصيدة
ساعديني ياحروفي والفراق النا مواني=واغرقيني ياهجوسي ياعسى الفرقا بعيدة
سجلي اصدق مشاعر بعد مالداعي دعاني=ابيض من الثلج لون"احر من نارٍ وقيدة
من قلم حبره احاسيس الثنا للي وفاني=فوق صفحة دفتر التقويم في ليلة فريدة
للحبيب الاول00اصلاً مامعه بالقلب ثاني=نبض قلبي دمه اللي جارياً داخل وريدة
من عرفته صار عندي للهوى حد ائتماني=مغتني بالحب قلبي دام هو اصبح رصيده
يعلم الله ماعصيته بالوصال ولا عصاني=يوم اشوفه يوم عيدي مثل ماهو يوم عيده
اهتويته واهتواني والوصال ابه احتواني=وش(حنان الام) مع لمسة على خدي بأيده
والغلا صادق غلاه وبالولا قمة تـفاني=مايصدّق هرج عذال وكلام اهل النقيدة
والجمال اكمل كمال يفوق بالزين الاماني=عن حلاته لو ابكتب تُكتب حروفٍ جديدة
لجله اكتب فالقصايد واسبح ابحور المعاني= دام انا شاعرلماذا مكتب بخلي قصيدة
وانا انتظر ملاحضات الاساتذة
« آخـــر الـــمـــشـــاركــــات »
09-Apr-2005, 12:13 AM
الحب الاول 0000000 اول مصافحة
العرض الشجري