07-Nov-2008, 04:01 PM
|
رقم المشاركة : 1
|
معلومات
العضو |
|
إحصائية
العضو |
|
|
(تفاح شامي)
|
|
|
|
بسم الله الرحمن الرحيم
السلام عليكم ورحمة الله وبركاته اليكم هذه القيده آملا ان تحوز على رضاكم
واجرحي اللي في المعاليق ماطــــــــاب ::::::: قلبي تولع والسعاده فقدهــــــــــا
قلبي يحن وكنه اليوم مرتـــــــــــــــــاب ::::::: حنة خلوج(ن) مات عنها ولدهــــــــا
والا سجين(ن) حال من دونه ابــــــــــواب :::::: ايون من مابه وكبه لهدهــــــــــــــا
ونيتها في حب تلعات الارقـــــــــــــــاب :::::: اللي على ماقيل طلعة نهدهـــــــــا
تفاح شامي في البساتين نضـــــــــــاب :::::: من جال بير(ن) يشرب اللي وردهـــا
وعيونها نعس(ن) والاهداب الاهــــــــداب :::::: صفة صفوف(ن) مايعدد عددهـــــــــا
والعين عين الحر في راس مرقــــــــــاب :::::: نادر خلا روس النوايف صعدهـــــــــا
وراعي جديل(ن) مثل هملول الانصـــــاب :::::: وسمية(ن) هلت ودنت رعدهـــــــــــا
كن الثنايا من بردها والانيــــــــــــــــاب :::::: يوم استهلت ثم هلت بردهــــــــــــــا
حلو النبا والخلق مع طيب الانســــــــــاب ::::: لاقبلها جانا ولا جاء بعدهــــــــــــا
ومن يوم غابت والسعد والفرج غـــــــاب :::::: وانفسي اللي غاب عنها سعدهــــا
كبدي لهدها زاد والقلب منصــــــــــــاب :::::: والعين جاها من غيابه رمدهـــــــــا
من كثر مابي ياعرب عارضي شـــــــاب ::::: والعين لا جاء الليل جاها قهدهـــــا
لكن ابا ادور عليها ولا انصـــــــــــــــاب ::::: من رمح عينه يوم روحي قردهـــــــا
ماضاع حق ومن ورى الحق طــــــــــلاب ::::: ولاكل من دور لحاجه وجدهــــــــــــا
ولاكل واحد لا رمى في الهدف صــــــاب ::::: ولا خاب ناس(ن) تجتهد في جهدهـــا
ولو الدجيما عن دروب الهوى تـــــــــاب ::::: ان كان تبت ولاتعقد عقدهــــــــــــا
والعلم الله كان والفكر ماخــــــــــــــاب :::::: مصير نفسي مثل ماجاه وادهــــــــا
تقبلوا تحياتي،،،،،،،،، |
|
|
|
|
|
|
|