سلطان الجـذع
ياليل ياليل ياليل .. طاب اللقا والسمر طاب = تبا تقر الموازين .. بين العميل وعميله
ياما بكينا هل الخيل .. سعدون وعقاب وحجاب = لكن يادمعه العين .. الوقت مافيه حيله
مقعد الدغيلبي
الليل ليل المواويل يامفتلٍ روس الاشناب=للسيف مقضب وحدين ..لهل السيوف الصقيله
الدمع فوق المناديل..كله لجل زيد وذياب=واليوم ياعام الالفين..الوقت مجنون جيله
سلطان الجـذع
العام ياصاحب هذيل .. ليه قفلوا دونك الباب = أثرك مطية شياطين .. تشعبك في كل ليله
خليت روس الرياجيل .. مجرية كل من هاب = وأصبحت بين الفريقين .. مع درب مومي شليله
مقعد الدغيلبي
مالك عليه مداخيل ..لو تعتلي راس مرقاب=وانكبك نكبة فلسطين..والحمل تعجز تشيله
هذي قديمه على النيل..والمخ مركز للاعصاب=وضعك يبي زود تحسين..يابو كفوفٍ بخيله
سلطان الجـذع
شافتك بعض الدرابيل ... غريب في سلم الاغراب = وينك يامقعد وانا وين ... حضر لعلمك دليله
ماني براضي لك الميل .. لكن ياكثر الاسباب = واللي غدت من زمانين .. ماعاد فيها عقيله
مقعد الدغيلبي
جتني علوم ومراسيل..واليوم ماعنك مجناب=سلطان طالع سليطين..من تحت برق المخيله
مانقبل الذل والميل.. لآكشرت روس الانياب=يومن حبك غدى طحين..وسط الرحاه الثقيله
سلطان الجـذع
هرجٍ بليا محاصيل ... بعده مناقيد وعتاب = لاترجع يسار ويمين ...الحمل حملك وشيله
اعرف عصي الجماميل .. ماعدلت عوج الارقاب = حرااااااااام بعض البعارين ... يمشي بوسم القبيله
مقعد الدغيلبي
حنا هل البن والهيل..للهيل والبن شراب=ياللي تحرث السكاكين دمك عرفنا فصيله
تبا تروح محاميل..والسيف قصاف الارقاب=واشهار كله مجانين..وانا زبون الاصيله
« آخـــر الـــمـــشـــاركــــات »
29-Oct-2008, 11:29 PM
العرض الشجري