فن وتعريف الحداء

[علي الثبيتي]

هذي حدايه من سليم لذوي زراق


والحدايه لشاعر دخيل الله الزحيمي رحمه الله و جماعته

سـلام يـامـن لـه وجوب وله حشوم وله حرابه
وانقدم الحسنه على السيه وندرى كل جابه

وان كـان شـفـنـا فالـعـلوم اعلوم مانوخذ نهابه
فاللى عليه اجـدادنا واجدادكم واجداد اهـلنا

انـشـد ذوي زراق لـيـش الـعـنـصريه والـعصابه
حنا عرب جيران قبل اليوم وانسـاب واقـرابه

يـدري بـهـا الـعـاقـل ويـجهلها الذي غره شبابه
واليا جـهـلتوا حق ذالـقـربى تـرانـا ما جهلنا

يـاروق الـلـي من قرى الحره الى عـد الـغرابه
حنا تـرانا مابـنـيـنـاها عـلى مبـنى خـرابــه

والـيـوم شـفـنـا في ذوي زراق روغه وانـقلابه
لكن حــنـا نـسمـح الـغـلطه ولن قلـنا فعلـنا

الــشــر بـابـه سـكـروه الـناس لاحد يفك بابه
الملـك لله ثـم لاهـل المـلك مـاتـملك ذبابه

الك الهواء والك الكلاء والك الغدير اشرب شرابه
هـذي حـقـيـقـه قـلـتها للي يـرد العلم عنا

=======================================


رد ذوي زراق الشاعر /شبيب الزراقي وجماعته

يـامـرحـبـا بـالـلـي عن السلمان حضروا بالنيابه
كـــل بـسـيـئاتـه وحـسنـاتـه يبا يلقى حسابه

وان صار في بعض العلوم علوم يخضع للرقابه
والناس تدري بالفعول الاوله منكم ومنا

لو التعدي من ذوي زراق نعطيك الاجابه
مير انته اللي سار في درب عوج محد مشابه

ماقدر الجيره ولايعرف خطاه ولاصوابه
مانجحد العنوه ولانرضا على الغلطه تصلنا

ياسليم ياللي فالقعور وفي شوان وفي عيابه
حنا مواقفنا نقيه من على عصر الصحابه

والانـقـلابـه عـنـدكـم سـبـع جـديـد يـحد نابـه
أكـل سـليـم ولـن سـكـتـنـا لـه تـعـداهم واكلنا

الـشر مـاهـو عـنـدنـا عـنـد العميل اللي بدابه
الـمـــلـك لله والـذبـابـه مـالـنـا فـيـهـا طـلابـه

يكـفيـك مـا حـوى جبلها من حصاه ومن ترابه
وديـارنــا مـاهي طماعة كل من هـجرس وغنا
وسلامتكم