روقي ومطنوخ واحب الشيابين [ عبدالرزاق الذيابي ]

[منصور بن فهيد]

قصيدة للشاعر المبدع / عبدالرزاق الذيابي ...

القاها في حفل لقبيلة الشيابين ...


يادعوةٍ جات من يمّ الشيابين
,,,,,,,,,,,,,,,,, اللابه اللي لها فيْ الطيب ميزات

ولبّيت داعٍ دعاني حيّ ذا العين
,,,,,,,,,,,,,,,,, وآنا حريصٍ على الدعوه ليا جات

لاجتك دعوة كريمينٍ عزيزين!
,,,,,,,,,,,,,,,,, قل تمّ.. واكسب مع الطيب صداقات

ماهي صداقة مدوّرة الملايين
,,,,,,,,,,,,,,,,, لا واللْه الاّ محبة طيّب الذات

واِليا كسبت اِلك شخص اِمقابله زين!
,,,,,,,,,,,,,,,,, آخيَر لك من علاقات الريالات

وآنا احمد اللْه عشيرٍ للميامين
,,,,,,,,,,,,,,,,, إلْي مع اهل الوفا وَصْل وعلاقات

آلبّي الدعوه اِمن الناس الاقصيَن
,,,,,,,,,,,,,,,,, وشلون لاجات من يَمّ الفهيدات!

مالي عذر من رجال العسر, واللين
,,,,,,,,,,,,,,,,, فيْ اللين صحبه, ووقت العسر فزعات

اِشيوخ, واِمروّيَة حدب العرانين
,,,,,,,,,,,,,,,,, وساس الكرم,والشهامه, والبطولات

هذال منهم صعوطٍ للمجانين
,,,,,,,,,,,,,,,,, فعل اخْو هملا! يخلّد فيْ السجلات

واِعتيبه اهل الظفر من ماضي الحين
,,,,,,,,,,,,,,,,, سادات..لاقيل فيْ العربان سادات

ذبّاحة الحيِل, لطّامة معاديِن
,,,,,,,,,,,,,,,,, واهل الصفات الحميده..قول, واِثبات


وآنا تراني مع الطيّب! على الديِن
,,,,,,,,,,,,,,,,, وخوّة هل الطيِب! مافيها متاهات

روقي, ومطنوخ..وآحب الشيابين
,,,,,,,,,,,,,,,,, وآقدّر اللي يِعزّون الفهيدات

التوقيع

man.9.our@hotmail.com