عتيبة الهيلا لها قدر وامجاد يشهد لها من برها لابحرها

[سلطان المنصوري]

هذه القصيدة ألقاها الشاعر عبد الهادي بن حامد المنصوري الثبيتي العام الماضي في احتفال اقامته قبيلة برقاء تكريماً لأبناء عمومتهم الذيبة من الروقة في مدينة تبوك........



الليلة الجمعة وللشعر ميعاد في حلال ربع ٍ يفتخر من حضرها
يامرحبا في منزلٍ بالكرم جاد كل العلوم الغانمة محتكرها
يامرحبا عداد مادن رعاد وعد المزون اللي تقاود مطرها
حييت ياضيف السعد عند الأجواد حلال برقا اللي ينومس ذكرها
الطيب عادتنا وذخر من الأجداد فضايلٍ كل الرجال تخبرها
مقر عرفٍ يارده كل وراد مجالس اهل العرف نجلس صدرها
قول وفعل ماهو بتوليف وانشاد ياجاهل التاريخ الأفعال اقرها
يوم الزمان اللي مضى فيه الأنكاد كم من صناديدٍ نقف في نحرها
ياكم جموع بفعلنا راحت أبداد وكم راية شيخ القبيلة كسرها
برقا وروق حزام ضدٍ للا نداد لاقشعت سود الليالي سترها
عتيبة الهيلا لها قدر وامجاد يشهد لها من برها لابحرها
أمجاد ماتحصى ولو كنت عداد جف القلم وافعالهم ماسطرها
هذا فعلنا يوم ابه زند وزناد يوم الجزيرة ماحكمها صقرها
ومن يوم ماصقر الجزيرة لها عاد ثبت قواعدها وعلا قدرها
عبد العزيز ارسى لها كل الأوتاد حكم بها شرع الاله وعمرها
والخير عم المملكة والأمن ساد ومشت على نهجه صقور ذخرها
ليثٍ عقب ليث على الدين ماحاد ومن الكتاب وسنة الخير أمرها
واليوم في عهد الفهد كله أعياد ذكرى ورى ذكرى وكلٍ خبرها
أمجاد ماتنسى على روس الأشهاد توحيد والعشرين جتنا باثرها
ولي عهد الفهد كالغيث منفاد كم غرسة ابيمناه نجني ثمرها
نعم ابحكومتنا سترنا من الأوغاد اللي مسممت الخوارج فكرها
حنا سعوديين شيبان واولاد في ساحة الأحداث وافي شبرها
مانقبل الارهاب لالا للالحاد لو طغمة التخريب جانا خطرها
في مهبط الاسلام تفجير وافساد هذي جريمة منكرة ياكبرها
هذا فكر ناس على الخير حساد يارب هذي الشرذمة قص أثرها
تلبس ثياب الدين من غير نقاد فعلٍ يخلي الناس تفقد صيرها
لا بد من وقفة طوابير وافراد حتى نحشر اهل الغدر في وكرها
وش عاد باقي ياهل الخير وش عاد أرواح تزهق من سبايب غدرها
ولو كل مجرم قال أنا فعلي جهاد لابد مانفسه تلاقي وزرها
ياهل الغدر للقدس روحوا وبغداد لاتطعنون المملكة في ظهرها
والمملكة ماهزها فعل الأحقاد بامر اله الكون يبدي نصرها
واختامها قالوا فالامثال مافاد مايحتمي في الديرة الا حجرها





وسلامتكم