التحليه من سدود المنطقه ما تسد

[مسفر الصفا]

اللهم اغثنا غيث الايمان في قلوبنا وغيث الرحمه في اوطاننا
ولا تكلنا الى انفسنا يارب العالمين

يالله ياربنا الخالق اليك المردّ =يامنزل الغيث ياعالم بما فالنفوس
يامن خزاين عطاه جبالها من بردّ = ويامن خلايقه في كل الكواكب تنوس
ويامن نعمه الجزيله ما تحاط بعدد = ويامن فضايله تعجز عن مداها الهجوس
يارب في ناوي ما بين برق ورعدّ = لا فاض سيله يغطي شامخات الطعوس
يحيي جميع الديار المسنيه فالبلدّ =ويروي عروق النبات اللي شوتها الشموس
وترجع به الارض ويعيش الجميع برغدّ= وتثمر غصون الغروس اللي من اول يبوس
وتشوف كل الصحاري نبتها مرتجدّ = مكتسية بالورود تقول طلّت عروس
يبهج جمال الطبيعه من لشوفه يلدّ = متلبسه من جمال انبوتها احلا لبوس
لها تهيض الصدور وكل شاعر قصدّ = القلب يطرب لها وتزول كل التعوس
لكن مع وضعنا الحالي وطول الامدّ= وهذي السنين العجاف اللي وحشها فروس
الارض ما كنها الا مكحله بالثّمدّ= وحتى سماها توحد في جميع الطقوس
والشعر من ما يعانيه البلد مستمدّ= والمشكله طوّلت والحل من له يسوس
وعن حالنا اليوم باجاوبك يامن نشدّ = الوضع مزعج ولا يحتاج كثر الدروس
نبي نوجه طلب لاميرنا المعتمدّ = اميرنا اللي لمجلس منطقتنا يروس
ياسيدي لامتى واحنا نعيش بكبدّ =والتحليه معتمد مشروعها له فلوس
له عدة اسنين متوقف ياوجه السعدّ = واليوم جت حاجته والوقت وجهه عبوس
التحليه من سدود المنطقه ما تسدّ = الناس ماتوا ضما من قبل موت الغروس
فان كان ما جا لنا من البحر الاحمر مدد =لا والله إلا هلكنا في نهار عموس
وحنّا صبرنا لكن الصبر باح ونفدّ = والسوس شره تعمّق في عروق الضروس
ياسيدي لامتى واحنا نعيش بكبدّ =والتحليه معتمد مشروعها له فلوس

آخر تعديل مسفر الصفا يوم 11-Sep-2008 في 11:03 AM.