مربوع صياف الحربي ومستور العصيمي

[خالد اللهيبي]

بسم الله الرحمن الرحيم
اللهم صل على محمد وعلى آله وصحبه أجمعين امابعد
هذه المحاوره أقيمت في المغتره أيام عز المغتره موذاحين
وكان الطاروق ممتع أنا والله ماأمل منها هذي المحاورة



][ مستور ][








عد ماهلت هماليل المخايل ياسلام الله سـلام بغيـر منّـه
للامير وللجميع اهدي سلامي واطلب الله بالنجاة وبالسلامه
الصمايل ياهل الخيل الصمايل لبسوها بالسروج وبالاعنّـه
والقمر يجلاك ياليل الظلامي ياقمرنا بالرياض وفي تهامـه







][ صياف ][






مرحبا ترحيبة فيهـا دلايـل سنـة قبلـي وانـا تبـاع سنّـه
اكمل الحجه يالباس الحرامـي لاتسافـر بالعقـال وبالعمامـه
انتبه للي يردون المثايل لاتطـب النـار وانـت بوسـط جنّـه
ثم تصبح بالخلا جوعان ظامي تعصر الزيتون من عرق البشامه







][ مستور ][






ماش ياصياف حيلات ومحايل شفت لي بعضكـم شكـه وظنّـه
الحرامي كيف يسرق له حرامي طحت لك في حفرةعشرين قامه
عقب هاك السالفه كيف انت قايل يوم جربنا السيوف المستسنّه
يوم قمنا يالحروب الحظ قامي يبعـث الله امتـه يـوم القيامـه







][ صياف ][






الله اكبر كيف خيلت المخايل وانت عينك تحت رمشك مستكنّـه
مامعك غير الفتيله والحزامي والعصا اللي شلتها ظلم وغشامه
من بلد جدة ليا ضلعان حايل تتبع اديار الـروا والدلـو شنّـه
كن ما لك لالسان ولاعظامي عقب ضيعت الشداد مع المسامه







][ مستور ][






ماجحدت بيوت ماضيين الفعايل وانت هاك اليوم ونيت لك ونّه
يالسحيمي طيعني واسمع كلامي الغلط يوقفك في درب الندامه
ان كثر مابيننا قيل وقايل والهقاوي يرجعن اليـا اهـل هنّـه
لاتقرب ميسم بالنار حامي يصبح الميسم على الخدين شامه







][ صياف ][







انته الليله عليك الحمل مايل وان بغيت العد حنيت لك حنّـه
والحقيقه لاتباع ولاتسامي غشك اللي حط لك ربع العلامه
لانته التالي ولا انت مع الاوايل حولت في نارنا تسعين قنه
واصبحت لاهي شراب ولاطعامي ماعليّه من سبايبها ملامه



الطواريق هذه ماعاد تسمعها ذالحين مافيه غير موالات اغاني هابطه