مصلح بن عياد الحارثي((داهية الشعر))..قصيده رثائيه للمنقذ عبدالله الغامدي..(رحمه الله)

[عبدالله هادي ناشي الفليت.]

قصيدة رثاء و شكر للشهيد جمهور عبد الله الغامدي الذي ضحى بنفسه لأنقاذ اطفال عائلة الشلوي من الغرق في الخليج العربي و عاد شهيدا بعد ان صلى العصر
رحم الله جمهور الغامدي
و لله درك ياجمهور يحق لقبيلة غامد وابنائك وزوجتك وامك وابيك ان تفخر بك وبموقفك النبيل كما يحق لشاعرنا مصلح بن عياد ولشعراء بني الحارث ان يكتبو فيك ويعبرون عن مشاركة اهلك وذويك في ماحل بهم ويعبرون عن موقفهم فهذه قصيد الشاعر الكبير مصلح بن عياد الشلوي الحارثي

الله من دمعا على الخـد فوحـه=وعينا"تهـل اعبارهـا وفضحتنـا
يوم القضاء والقدر جتنا سروحه=من البيـوت العامـره سرحتنـا
رحنا ندور ساعة مـن فروحـه=بالعكس ساعات الغضب صادفتنا
ناح الحمام وشيب العين نوحـه=صاح الصياح من العرب والتفتنا
بحر الخليج اللي تلامع سطوحه=جينا على الشاطي والامواج جتنا
جانا الشهيد اللي فدانـا بروحـه=الله يرحم روحـه اللـي فدتنـا
روح البطل ماهي علينا شحوحه=يوم الله انقذنـا صحيـح انقذتنـا
جمهور عبدالله كشفنـا طموحـه=فزع يومـأ" ان الليالـي حدتنـا
يوم الردي واللاش تقصر شبوحه=الرجل حـول واليديـن اجذبتنـا
امجار ياحيـا" تجـدد جروحـه=وجعة هله والله صحيح اوجعتنـا
ترى الشلاوى يطلبون السموحـه=ياغامـد الايــام ماطاوعتـنـا
صكات بقعا كـل سـدا تبوحـه=ومن كثر ماتلعـب بنـا شيبتنـا
بابا" تسايف بـه وبـاب تلوحـه=ومن المراره والحـلا جرعتنـا

تحياتي..
عبدالله هادي ناشي الفليت

آخر تعديل عبدالله هادي ناشي الفليت. يوم 05-Sep-2008 في 12:38 AM.