قصيدة للشاعر غلاب بن ود

[أخو ثابت]

السلام عليكم ورحمة الله وبركاته

حبيت انقل لكم قصيدة لشاعر غلاب بن ود الثبيتي وقد اعجبت بهذه القصيدة وهي قصيدة مدفونه في بحور الشعر اتركم مع القصيده بدون اطاله او مقدمات

حسبي على فلاح شعره حماسي= هيض علي هجوس وهجوس وهجوس
وطغت مفاهيم النظام القياسي =على خطوط الطول والعرض بالقوس
وضاقت محيطات البحور ومراسي= سبع النجوم اللي لها ناب وضروس
وطاح الجمل لكن ماهوب امتواسي = في غاربه خنجر وفي ثفنته موس
رد الخبر يامبعدين المماسي = وقولو لأبن مبرد وطا الأرض مانوس
دهنة ففيه ايدام حمر التباسي = مفعولها لمفتح العقل ملموس
تبدلت عقب الغنا بالفلاسي = وعقب الرخا والأمن بالخوف والبوس
وثلثينها ماتو ضحايا التناسي = وثلث بقا هياكلن مالها روس
وسود الليال المرمسات النواسي = ارشيفها لمدور العلم قاموس
يلقا بها وقب اللزوم اقتباسي = ليا دق به مع هجعة الناس هاجوس
ولقا بها حاكم عروش الكراسي = قضية من همها نوح متعوس
شريدة الخطين خط التكاسي = وخط السفاره بي برلين والروس
عميل كسرى فالبلاط الرياسي= اللي قضاله عام وشهور مركوس
عندالزنوج امجودين الركاسي = اللي بلا غيره وفي حربهم شوس
على الردى ماهو على طيب ساسي= ولا هو على عزة كرامه وناموس
على الخساسه بين هاك الخساسي= ثلثين عمره عاشها جوف كابوس
واليوم لاذاكر ولاهوب ناسي= العمر فالتسعين والمخ ملحوس
ويبي القساوه مار ماهوب قاسي = جمهات راس ناخرن مخه السوس
جنسية ضاعت مابين الجناسي= لولا التميمي داسها وقتها دوس
اليوم صار الها بطين وممساسي = وتبي تريس بين ريس ومريوس
لكن خاسي واسود الوجه خاسي= امدرس التوراه بوذي وهندوس
املبس الماص الحمر بالنحاسي= اللي تلقا ماتلقاه حنوس
غريسة بين الغرايس اتراسي = يروسها عدوس وامثال عدوس
سرابها تاسع ليال النفاسي=نجع عقب كون الغريمين منحوس
وياقو باسي من نعاطيس راسي = لكن اخاف يفسر العلم منكوس
في ساعتين انجزت فصل دراسي = ولاني وكيل ادم على كل جاسوس

<غلاب الثبيتي>