فياقرا 2004 لـ محمد القثامي

[سعد غازي]

بسم الله ..

أحبتي في هذا الصرح الرائع

هذي مساجله بيني انا والشاعر / محمد القثامي .

وهذي الاولى رسالة محمد بن جازي القثامي .....

ركبت الشبح ماشي وانا من وراء الدمام=أبشفي ضمير (ن) زايدات(ن) الوهيبه
ضمير(ن)يابو غازي تعذب وانا ما ألام=سبايب وليفن سابني ويش أسويبه
أضافه علي هذا زمان ٍ قليل أرحام=سقاني علي التكرار مر بمغاريبه
أبا سري وانا ضاري عليه السهر مانام=من الساحل الشرقي الي فيضة شعيبه
أشوف الطريق أليا مشيته يفك أوهام=سوات الرضيع اللي أمة أتلهيبه
وهموم ٍ تسوق القلب عام وراه أعوام=أخذها طبيعة لين تركز مناصيبه
أبا سري وسج الرجل وكرم مع الاكرام=زمان ٍ الصفا اللي قليلة تراحيبه
وأنا خابرك صاحب أليا قلت له قدام=مافكر وقال وشلون وشفيه وشليبه
رفيقي عضيدي با لمواقف سند واحزام=حكيم ٍ شجيع ٍ فالرياجيل له هيبه
دخيلك من اللي بالمحبه بنالي أحلام=وتداعت أقصورة ساعة الشك والريبه
بعد ماجفاني جفت الصحف والاقلام=والاحد ٍ يود العلم يمه ولا يجيبه
تجرا علي وصدر الحكم بالاعدام=علي سنتة ما هيب سنة معازيبه
وانا لاذكرتة صاب قلبي صلف وهيام=تمر الدقايق بي واعيش في غيبه
وانا لا ذكرتة ياسعد صرت أعظ أبهام=وتندمت لو ما جاه مني سوى الطيبه

وهذا هو الرد أتمنى أن ينال الرضا والقبول .....

على فياقرا الفين وربع مديل العام=تبوك الصباح ونيتي شرق أمسي به
ورفيقي ورى الدمام وأنا بحد الشام=ابي حروته من بعد جتني مكاتيبه
بعد ما وصل خطه شكى لي وهو منظام=شكى جور حظه حين كدر مشاريبه
يحاول يسلي خاطره ليت حظه قام=لكنه يزيد الهم لا صار يطريبه
من البعد والهجران والصد قلبه هام=تهز الخفوق اشواق حبه وتومي به
يحسب الخطى ويدير فكره مع الايام=على دفت الايام طالت به الغيبه
رفيقي ترى قدره على الصدر حِط وسام=ولا جا رسوله قمت أرحب وهلي به
وأنا خابره وقت الشدايد يجي عزام=صبور ٍ على صكات حظه وتغريبه
تعزويت يا محمد ولك فالعزا ملزام=وأنا اقول ابشر جاك فزعه من عتيبه
تبيها من العزوه تجي أو من الحكام=تبيها تجي يالذيب لا يدخلك ريبه
ترى يرخص الغالي من اجلك ولوهو زام=عسى الله يقدرنا ونكمل مواجيبه
لو أن المحبه حكمها دايم ٍ ظلام=لكن الامل ياخوك لازم نحريبه
ترى يا محمد كل قلب ٍ وله فهام=يناجي مشاعر خاطره ثم تسري به
وقلبك على طاري حبيبه اظنه صام=بعد ما شكى من جور هم وتعذيبه
على فياقرا 2004 مديل العام=توجت لدمام بوفي مطاليبه

لكم الوود


مغليكم

.. سعد ..