البــلاء الحـامل اللي وش نسمي ولدها !!! . مطلق&صياف

[سلطان الجـذع]

السلام وعليكم ورحمه الله وبركاته
مساء الخيــــر عموماً

اليكم :

محاورة من اورع المحاورات على الاطلاق
فريدة من نوعها .. تختزنها ذاكرتي منذ زمنٍ
بعيد .
اسمتعوا بالشعر الحقيقي في زمنٍ اصبح معظم
ما يطرح في ساحة المحاورة يندرج تحت أطار التهريج

مطلق الثبيتي :

ماتسير السفينه لين يركز عمدها =علموا صاحبي صياف شيخ الجماعه
البلاء الحامل اللي وش نسمي ولدها؟؟ا = بعد حملت ثمان أشهر وعشرين ساعه

صياف الحربي :

ترسي الباخرة وترسي اللي بعدها =فوق غبة بحر ماله على الأرض قاعه
كان ماسمت المولود تقعد وحدها= مالنا في حلال الناس ربع الطمــاعة

مطلق الثبيتي :

خلها خلها فالدرب تنقل جهدها = لا يضيع الوديع ولا تضيع الوداعة
لاتغرك حجور ولايغرك وعدها = الحجوري لكيع ولايكب اللكاعه

صياف الحربي :

أعلقت رجلها واخطت علانا بيدها =ثم قامت تدلع وازعلتنا الدلاعة
من غلط فالبيار ليا ظمي ماوردها = وأنت لاتشري ألا من خيار البضاعة

مطلق الثبيتي :

ماعليكم خلاف جنازةٍ في لحدها = مابه الا علوم وسالفة فالإذاعة
ابن عمك حدا القومان عنك وطردها= ذابحٍ لك مطير وذابحٍ لك خزاعة

صياف الحربي :

القصور اختلط تعميرها مع هددها = وانت رجلٍ غناوي ماتعرف القناعة
بن عمي ليا جات السوالف جحدها = كل ماقلت كيف الحال جرد ذراعه

مطلق الثبيتي :

من يعرف العرب يعرف مداخل بلدها = حدنا الوقت ياضلعٍ تعاوت سباعه
ابن عمك عطاك فلوس واجد عددها = ليه ياراعي البابور تطوي شراعه

صياف الحربي :

لو من يكحل عيونه يداوي رمدها = كل واحد كحل عينه وجّبر كراعه
مااقدر أعطيك حاجة لين تكتب سندها = أنت مثل الحوار أليا ارتوى من رضاعه

مطلق الثبيتي :

كل مااحل عقدة طير شلوى عقدها = ول ياسرع نزّلة سيفنا وارتفاعه
ما يقطع عروق قليبّك ألا حسدها = مير أنا اللي معي مفتاح بنك الزراعه

صياف الحربي :

ابتلشنا مع الأصنام واللي عبدها = قل ماقلت له طعني يعاف المطاعة
فوق راسك مزونٍ قام ينزل بردها = أعطنيها ثنيه وأستلمها رباعه

مطلق الثبيتي :

أنت تعرف سباع الليل وتعرف أ سدها = مير عندك مرض ماطلعته الإشاعة
ارقدوا ليلة الجمعة مع اللي رقدها = جا لكم مؤمنٍ يشفع نهار الشفاعة

صياف الحربي :

اترك الزمل تهدر لين يطفي زبدها = واحدٍ فيه قطعه يقطعه من قطاعه
الشفاعة تكثر للسعيدة سعدها = وأنت ياطير شلّع وابعد الانشلاعه

مطلق الثبيتي :

لاتضحك عريب ٍ سبتها مثل احدها = يامطوع بريده ياكثير الطواعه

آخر تعديل سلطان الجـذع يوم 29-Jul-2008 في 04:54 PM.