كم عرفنا وشفنا في الرجال أومرا@وكل ماشفت وجهك قلت هذا الأمير ( في الشيخ سعود الدهينة)

[فيصل المسعودي]

قصيدة للشاعر/

عـبـد الـعـزيـز الـدلـبـحـي

في الشيخ/

ســعــود بـن مــقــعــد الــدهــيــنــة

شيخ قبيلة المساعيد من النفعة من عتيبة

ورئيس مركز حفنة الدهينة

بمناسبة عودته أطال الله في عمره على طاعته من رحلته العلاجية في ألمانيا

هاجس الشعر في بحر المعاني سـرى=قلت أترجم بشعري بعض ما فالضميـر
نحمد اللي بفضلـه عـم كـل الـورى=ربنـا اللـي دعينـا بالأجابـة جديـر
جيت يابو فهـد والـدار فيـك أنـورا=كيف لا؟ وأنت للدار السـراج المنيـر
للقبيلـة ركــون وللـديـار كـبـرا=وللمواقف رجـال وللصعايـب خبيـر
وأنت يابو فهد حصـنٍ منيـع الـذرى=نزبنه لا تردى الوقت وأصبـح خطيـر
لـك يميـنٍ لفعـل الطيـب ماتقصـرا=مدها مثـل همـال السحـاب الغزيـر
ولك رجلٍ عسـى ياشيـخ مـا تعثـرا=رجلك اللي على الطاله تشـد المسيـر
كم عرفنا وشفنا في الرجـال (أومـرا)=وكل ماشفت وجهك قلت هـذا الأميـر
الكرم والشجاعة فيـك جـات خشـرا=والتقى قبلها لو قلـت ثالـث خشيـر
جوّد الطيب كلـه مـن وثيـق العـرا=كم نصر من ضعيف وكم عطى من فقير
ياخبيـرِ بماضـي نجـد معـك خبـرا=خابرين الحقايق يـوم صـاح النذيـر
نسل من طوّع البيدا وداس (القـرى)=بالقنا والمشـوّك والرهيـف الشطيـر
(مقعـد) اللـي فعولـه بينـه للـبـرا=يـوم نـار الحرايـب تتّقـد كالسعيـر
يسري الليل، وإليا أصبح يحمد السرى=كم ثبت للخصوم وكم كسر مـن مغيـر
يشهـد الله عليّـه مـا مدحـت وزرا=أمـدح اللـي فعولـه بهجـةٍ للنظيـر
مثل شيـخٍ نعـده فـي الشدايـد ذرى=نزبنه لا تردى الوضع وأصبح خطيـر

منقووووول