تدري وش أكثر شي هـز البـدن هـزّ..؟

[غازي الذيابي]

مختارة اتمنى تنال اعجابكم

تدري وش أكثر شي هـز البـدن هـزّ
شوفة كبار السـن وسـط المنـامـه



تشـوف لك رجال هيبـه ولــد عــزّ
وليا هـرج يا شيـن حتـى كـلامـه



هرجه ما بين أمـوت وأهتز يـا.. وزّ..
ويدبـك علـى نغمـات راغـب علامـه



وليا لمح تغـريـد والصـدر مرتـزّ
لـوّح لهـا حتـى بذيـك العمـامـه



عمامـة التقدير والطـيب والعــزّ
وعمامة الهـيبـه وكـل الكـرامـه



صارت على تغريد حزام ٍ على الجنز
وصـوّت لهـا يا هـوه كافي مـلامـه



وشـدت بهـاالأرداف والبغل ما فـزّ
وهـزت علـى صيحـات ياللنـدامـه



بغـل ٍمـن الكيسـان مديلهـا مــزّ
ومن غرشـة الشيفـاز حطّـم عظامـه



ماني على ما شفـت شامـت ومرتـزّ
بـس أطلـب الرحمـن ثـوب السلامـه



لكنني شفتـه وهــز البـدن هـــزّّ
الشـايب السكـران وسـط المنامـه


تحياتي وتقديري


.



.


.


غازي الذيابي