شراكة بدو

[راع الاولة]

هذه قصة طريفة حصلت لرجل من حرب يقالة ابو ماضي الحازمي شارك احد العتبان وهو من قبيلة النفعة في تجارة . وما أن علم أحد الحضر بهذه الشراكة الا وقد انفتل ضاحكا ومتعجبا كيف ان الحربي والعتيبي يشتركان في تجارة وهي من علوم الحضر لا البدو ويعلق كثيرا على ان البدو ما يعرفون الا السلب والنهب، وبعد كثير من غض الطرف عنه كتب الحازمي قصيدة يربط فيها الحاضر بالماضي أحفظ بعض ابيتها وارجو اني وفقت في نقل ما احفظ كماهي :

سلام الله على اهل التجارة = رجال المال والفكر البصير
سباع السوق ابعلم وحضارة = رجال بالحيل تعرف تسير
تدور ابحيث ما الرزق استدارا = لو ان المال في الناب الخطير
صدور اوساع .. والمعنى شطارة= تطوع كل ما جاها عسير
واخص ابقولتي صقر الصقارة = عريب الجد وابمدحي قدير
ابو متعب خشيري ، والخشارة = شرف وياه وهو اطيب خشير
ولا يا هارجن فينا حذارا = ترانا ما درينا بالهرير
تقول البدو هجوا من القفارا = ولاهم في التجارة بالخبير
عتيبة وحرب ابخص بالتجارة = وخضنا بحرها الجم الغزير
لنا في سابق الوقت الصدارة = يومن المعرفة سيف وبعير
لكن اليوم سايرنا الحضارة = وراس المال من كيسي يصير
وسابقنا على غزو وغارة = وراس المال من كيس الحمير