أكيد لاحظتوا هذا الشيء بين الشعراء في شاعر المعنى

[عبدالله حبيٌب الزراقي]

المشاركة الأصلية كتبت بواسطة ابن مشيب

ممكن توضح اكثر ياعبدالله , فكيف يكون القارحي على علم بالمعنى وانت متأكد كماتفضلت , ولايوجد ولابيت في المحاورة يدل على المعنى؟؟؟؟

اخوي ابن مشيب

ودي اني كل عام اللعب على ارض ابها البهيه ** وانصح الي ماتمسك في قوانين النظامي


مثل هذا البيت لو اعتبرناه مدخل وتمهيد للمعنى لا بأس ويكون التوضيح في الابيات الي بعدها .. لكن القارحي على قول سلطان الهاجري اصاب المعنى .. والقارحي حتى لو كان ماعرف المعنى بالنص انه الرشوه على الاقل مشى في اتجاه المعنى وعرف انه قضية تنافي الدين .. هنا علامة الاستفام هل هذا البيت وبهذا الربط يدل على هذا الشيء ؟؟ لاتاخذ اخر شطر وتنسى اول شطر من البيت وش دخل اللعب في ابها بالرشوه او بالمحظروات الشرعيه .. اضف عليها الابيات الي بعدها كلها نفس السياق كلام يحتمل مليون معنى ومجرات خصمه يدل على انه عارف المعنى او على الاقل اتجاه المعنى انه يتعلق بمحظور شرعي

قارن بينها وبين بيت سلطان المنصوري في الربا

ترا الزياده طيبه لكن ودي مانزيد /// في حاجة ٍ حكم الشريعه قافل ٍ ماعونها

طريقة الربط في البيت لازم تكون مناسبة حتى لو الخصم مافهم المعنى على الاقل يعرف وين اتجاه المعنى .. اما اذا صار البيت مفتوح يدخل في تفسيره مية معنى يضطر الشاعر يوضحها في الابيات الي بعدها بس الي صار من القارحي والمقاطي انه عارف المعنى ومن اول بيت وهو ماشي معاه والمقاطي ماكلف نفسه في توضيح المعنى في ابياته الي بعدها ..

عموما ماتنقيص في احد ولا مدح في احد مجرد وجهة نظر تقبل الخطاء والصواب والعرض النقاش والفايده لا اكثر ولا اقل