هاني خاشقجي=
سلام والا مرحيا ماهو مهم اللي يهم=ان الزعل مرفوع كلٍ في لزومه يحتزم
ولاهي غريبة من يقابلني يعّود منهزم=قال المثل من ذاقها مره ماعاد يعودها
سمعت لي عن سعود علوم واجد تمام= ينسف شماغ العقل من فوق طاقيتـه
ويرمي فراش الكرامه للوجيه الكرام=( استغفر الله ترى هاني على نيتـه )
سعودالعصيمي=
يامرحبا والا البقاء ماقلتها لاهل الـردى=اقولها للي يقدمها علـى وجـه القـدى
وسعود هاني مايهزمه لن مشى والا عدى=قال المثل من ذاقها مره ماعـاد يعودهـا
اعلومنا يالبخاري فاللقـى والزحـام=انذكي الرجل وانضوي الك رعيتـه
على الشحم والكرامه يقلطون الحشام=ياراعي الكلمه اللـي قـدر للحيتـه
هاني خاشقجي=
انا ماجيتك غير ادّور قسم جدي ياسعـود=اللي غدى مع ورث جدتكم بعد حكم السعود
هاته قبل لاندخل لخيمتك ونهـز العمـود=قال المثل من ذاقها مره ماعـاد يعودهـا
ماهو كذى نقض بيت الخصم يوم الخصام=ليت العصيمي ترّيـح مـع عصيميتـه
دامك تحط الشحم للي يجي ياااااااااااااسلام=عادة كريـمٍ يعـرف حقـوق طرقيتـه
سعودالعصيمي=
انته وجدك قسمكم بقره وعجل من البقر=لكن ماهي عندنا دورلها عنـد الحضـر
وان جيتني في خيمتي تبشر بشلفآ فالنحر=قال المثل من ذاقها مره ماعـاد يعودهـا
مابغى لك دروس انا خصمك قطوع العرام=ليت البخـاري تريّـح مـع بخارريتـه
عاداتنا تحتمي فالحـرب روس الجهـام=واللـي سواتـك نطلّـع منـه جنيـتـه
هاني خاشقجي=
ان كان قسمي ياطويل العمر بقرة ماعليه=لقيتها في ديرة العتبان بيضـان الوجيـه
يابقرتي يابقرتي هاني حبالك فـي يديـه=قال المثل من ذاقها مره ماعاد يعودهـا
ان وقعت فاللحم وان وقعت فالعظام=يبي يعود سعود يّـون مـن كيتـه
والله ماعندكم فالوقت غير الكـلام=عقولكم فارغه ووجيهكـم ميتـه
سعود العصيمي=
في ديرة العتبان قسمك رمح من بين المتون=والله يعينـك ياهوينـي لوربعـك يعلمـون
ايقلعون الك السنون ويدهنونـك بالدهـون=قال المثل من ذاقها مـره ماعـاد يعودهـا
النار في محزمي وانته بليا حزام=واللي سواتك ياهاني نكسر ايديته
حنا رجال الفعل حنا عزاز المقام=والحضر قوم البقر كلٍ على هيته
هاني خاشقجي=
ان كان عندك رمح ضربه يالعصيمي منك فيك=والا البخاري فـي محلـه ماتجيـه ولايجيـك
وان جاك قلطت الشحم لضيوف دارك ..ماعليك=قال المثل من ذاقهـا مـره ماعـاد يعودهـا
والله لحرم عيونك من لذيذ المنـام=الليلة الغـار دابـه يلعـب بحيتـه
ياسعود ترى البقر محميته في سنام=نبي نرد العصيمي وسـط محميتـه
سعود العصيمي=
مانته بناسي ماذكرنا لك من الوقت القديم = والوقت هذا سدني عن وجهك الوجه الكريم
حتى لوانك دسم والا تدفع الشيك الدسيم = قال المثل من ذاقها مره معاد يعودها
اقول من محزمي والله علي الحرام = انك لتبطي عظم واللحيه امزيته
سنام محميته تطلا جنوب الهيام = وانته وشرواك مايارد على ميته
هاني خاشقجي=
بالله هذاه المخـرررف ياعتيبـه وش يقـووول=ان كان ماهو بمهبول ّ!!! الرجل خبل من الخبول
ياسعود جعل الله يبارك بك ترى للهرج أصـول=قال المثل مـن ذاقهـا مـره معـاد يعودهـا
حسبي على اللي عطاك انته وغيرك وسام=الشعـر جهـال فـي حسناتـه وسيتـه
انا تحملـت فيـك ذنـوب واجـد واثـام=فعـلٍ مبيـن بوجـه أبليـس ماريـتـه
سعود العصيمي=
الخبل والمهبول مثلـك لانحشـر دور عـذر=وانته ماتمشي بالوصول او انك اعمى او عور
لكن مالك عندنـا الا القـاز ياطـرش البحـر=قال المثل من ذاقهـا مـره ماعـاد يعودهـا
اللي عطانا الوسام رجال مثلي حشام=ياجاهل البير لاتاقف علـى طيتـه
لا والله الا عليك من النشاما مـلام=ياليت عودك تريّح ماشعـم ضيتـه
هاني خاشقجي=
الحشر يامجنون عند الله في يوم الحشر=وانت لياجينا حسمناها معك عشرة صفر
حتى لو انك تأكل الرجال في وقت القشر=قال المثل من ذاقها مره معاد يعودهـا
يقول هاني لو أنه ماشيٍ بالنظام=ماجاء لااخونا ولا ربي كتب جيته
عزالله اني ملحمها بوجهك لحام=والشر ماني بمعك الليله مبيتـه
سعود العصيمي=
لاوالله الا جاك حشرك قبل يومٍ تذكره = والفعل بيّن والنصر من صالحي لوتنكره
واللي تقوله رأس مالك ولك بطنه واظهره = قال المثل من ذاقها مره ماعاد يعودها
انا ادري انك تمنى ماسريت الظلام = من عقب ماجاك ابو طايل بجنبيته
عزالله انك لتاخذ عام من فوق عام = وانت كما اللي ماشغله غير في ريته
« آخـــر الـــمـــشـــاركــــات »
28-May-2008, 11:44 PM
العرض الشجري