السلام عليكم ورحمة الله وبركاته
حبيت اهديكم اليوم قصيده من اروع قصايد التوجد والوصف ..
وهي لشاعر : ضويحي الهرشاني والشيله بصوت : أحمد العجمي
راعي القرن الاشقر شـد قلبـي وتلـه = تلت السيب غيصه من بحور الضلامـي
عنز ريمٍ(ن) تقود الصيـد دقـه وجلـه = عذبت ناقـل البنـدق سريـع الولامـي
يا وجودي عليها وجـد مـن فاطـرٍ(ن) له = غره النوم عنها في فـروع المضامـي
فوقها قربته وحذاه ومع مزهـبٍ(ن) لـه = واقتفت جره الفاطر عجـاج وعسامـي
خابر الما بعيدٍ(ن) والدحـل مـا يدلـه = ولا حواليه من يعطيه حمض العلامـي
له زمانيـن حبـه مـا تعـدى محلـه = كود بـرق الصبيحيـه تعـدا سنامـي
ليتي شذرت زمامٍ(ن) على مبسمٍ(ن) لـه = فوق بيضٍ(ن) تلاعج مثل برق الضلامي
ليتني ربطة زرارٍ(ن) على لبةٍ(ن) لـه = فوق فرع النهود وحدر طـرق اللثامـي
كن في عينـه اليمنـا عساكـر وسلـه = عسكر الروم حمران الوجيه الضغامـي
ان قتلني عشيري بالهوى فدوتٍ(ن) لـه = ذبح خلي حـلال وذبح غيـره حرامـي
للاستماع لشيله :
وشكرا ..
« آخـــر الـــمـــشـــاركــــات »
24-May-2008, 08:49 AM
قصيدة و شيلة =راعي القرن الاشقر =
العرض الشجري