بعيدالمدى
مقعد ومعجب وعلي وعيد وسعود = شعارمعنى وفتل نقض وافي
لكن بعيد المدى شعله وبارود = ايعطّرالرمح ويروّي الرهافي
معجب العتيبي
والله ماني بخابر فيه مقرود=فالمنتدى لين مريت القوافي
انا ادري ان العرب حاسد ومحسود=لكن ترا الوضع فالدنيا عوافي
بعيدالمدى
ماني بمقرود انا اللي يحتمي القود = احرص معي لاتهرج بالخفافي
نبا نولع عليك النار ونزود = اشوي واتوقعون الاعترافي
معجب العتيبي
ماضن يلحقك يارجال منقود=القلب خله من النيات صافي
تولع النار لكن تصبح وقود=ويصير نورك مع العربان طافي
بعيدالمدى
القلب صافي وطيب الرجل كمبود = لايدخلك شك دام الستر ضافي
والله محسب حساب الشاب والعود = عساف بنت العبية ومتعافي
معجب العتيبي
الوضع يحتاج اله تصوير وشهود=خوينا قال اله شيٍ يعافي
من لا يرا الناس دربه صار مسدود=ابركله ينام ويحط اللحافي
بعيدالمدى
صوّر على ما تبا والعلم مشهود = ماينقص الرجل من كلمة صحافي
اللي مايقدر يصدر كل مورود = لاينطح القوم ويمد الضعافي
معجب العتيبي
اللي مهو فالمواقف دوم موجود=ماهو ضروري على الشاشه يشافي
الحاشي اللي قبل يومين مفرود=نبا نذكيه في هكالسنافي
« آخـــر الـــمـــشـــاركــــات »
01-May-2008, 08:17 PM
العرض الشجري