أتركيهم يامنيـره .. وأهجريهم يامنيـره / السعودي تكملة عدد ّ ..

[محمد الحمادي]

تشرح نفسها ..








أتركيهم يا منيره وأهجريهم يا منيـره
يا منيـره فاهميـن الوضع ما بالوضع خيـره
أول الموضع شهره وآخر الموضوع عيره
وآخر الموضوع مثل أولـه والناتج نقاده

وش يسوي لو فحل بالشعر شاركهم وجاهم
وهو فقيرا ً مامعه قوما ً ولا عنده دراهم
ياتراهم يقبلونـه يا منيره يا تـراهـم
أثرها حسب الظروف وأثرها حسب الإراده

مستحيله ماتمّشى سالفتهم مستحيله
وكعب أخيلا ً لو يؤنث مايسمّى كعب أخيله
والطريـق الوعر مايقطعه يا كود الدليله
إلي عينـه عين ذيبا ً ماهي بـ عين الجراده

يا محمد لا تعمـّد لا تعمــّد يا محمــد
لا تعمـّد جرح ضيفـانك زيـاده لا تعـمـّد
شغـّل المخ المطفـّى حرك القلب المجمّد
وأنت شيخ ٍ من بيوت ٍ تنورث فيها السياده

يوم راحت قبل عام ونزلوها عند أهلها
البيارق عن حدوث الغش سلها ثم سلها
مير والله هالسنَه ماغير أبو فارس بطلها
آخذ ٍ من كل خلق الله تقارير وشهاده

لو خذوا من لجنـة التحكيم زود ٍ عنه يمكن
إيخشع قلبي من الغبنه ويركد ثم يسكن
يكفي إنه من بدايـة طرقتـه هو إمتمـكن
والرصيد يزود عنده من زياده في زياده

السعودي صار تكميلة عدد والكل شاهد
وكل حلقه من نجوم المملكه ينزاح واجد
أتركوهم يا زحول المملكه لو عام واحد
والله إن السالفه في عامنا القادم معاده

وأجزموا لحد ٍ يصوّت فالسباق ولا يشارك
حللونا كلبونا مثل تحليل الجمارك
والجوايز ناتج التصويت في وقت المعارك
ومن حميّتنا ضعيف النفس يا كثر أستفاده

والدراهم ليتها من شان مسكين ٍ يعاني
ويتعدّل وضعه المالي على مرّ الزماني
بس راحت لأجل لا يوخذ مكانك يا فلاني
وأنوخذ منّك وحنا يا قرادتنا قراده


وسلامتكم ..

By my pin .. bay