حبيب وصياف شقر

[ضاامي وفااا]

--------------------------------------------------------------------------------

حبيب
صيـاف شاعـر يشقـر القـاف شقـرا
والليلة امسىذيـب فـي شـرق شقـرا
وان حصـل لـه مـن الخيـل شـقـرا
هـذا الصحيـح وقولـوا اللـي تقولـون


بيني وبينه علوم مثـل صـرف الجنـاه
مـا بيننـا منكـرا مـا بيننـا منـكـرا

اللـي رسـم رسـام والـراس مـالـي
بغـى يقـر المـخ والــراس مـالـي
وانا ما اضيـع شـيء مـن راس مالـي
هـذا الصحيـح وقولـوا اللـي تقولـون


اما عطيناك سيـف اذيـاب والا عصـاه
ولا بلا شـي تـرى والا بلاشـي تـرى


صياف
ياللـي تكلـم وانـت مـالـك بـراطـم
ترى البحر لصبح هـدا وان سـرى طـم
والعظـم الايمـن مـن يمينـك تحـطـم
هـذا الصحيـح وقولـوا اللـي تقولـون

حنا ترانا مـن البـارح مسكنـا الجنـاه
لا حولوا من كـرا لا حولـوا مـن كـرا

الا عـلامـك يــا الغلـيـم تـذكــر
والنـاس يبـنـون المـؤنـث مـذكـر
واللـي يـذكـرك السـوالـف مـاذكـر
هـذا الصحيـح وقولـوا اللـي تقولـون

حنا نطيـع المطـوع والغشيـم انعصـاه
وان كان عينك ترى وان كان عينك ترى


حبيب
حنـا تشاورنـا وقلـنـا وش الــراي
وتقول وسـط السـوق بايـع وشـراي
واقـول عنـدك علـم خيـري وشـراي
هـذا الصحيـح وقولـوا اللـي تقولـون

والعلم دينـه تعرفـه فيـه ذيـب وشـاه
والحصن يا الا زهرا والحصن يا الا ازهرا

دخان ما لبـورو مـا يطلـع كمـا كنـت
واطلع وترجع يـا صحيبـي كمـا كنـت
واللي عطاك السـر واحـد كمـاك انـت
هـذا الصحيـح وقولـوا اللـي تقولـون

المتهـم متهـم حتـى يطـلّـع بــراه
يقـال هـذا بـرا ويقـال هــذا بــرا


صياف
انتـه عمـش والا عيـونـك تعـمـش
والا بــلاك الله بـصــك مـهـمـش
مثـل العمـى بيـن الكبـاري تطـمـش
هـذا الصحيـح وقولـوا اللـي تقولـون

اتقول في الركعـة الاولـى انـت وشـاه
يا مؤذن الازهـرا يـا مـؤذن الازهـرا

يا سرع مشـي العازمـي وسـط ركبـه
الله خلق لـه سـاق مـن غيـر ركبـه
ون حصـل الجنـي علـى الخـط ركبـه
هـذا الصحيـح وقولـوا اللـي تقولـون

يالعسكري ليلـة الجمعـة رميـت البـراه
والناس تمشي برا والناس تمشـي بـرا


حبيب
اللـي بضـؤه فـي الظـلام يتـوضـى
عـؤد وصلـى ركعـة مــا تـوضـى
ياللـي حفظـت الميـم والنـون والضـا
هـذا الصحيـح وقولـوا اللـي تقولـون

لومنت منبع فقـر يمكـن تجيـك الغنـاه
حربي وليلك سرى حربي وليلـك سـرى

صيـاف هـذي ورثتـه عقـب جــده
ماغير يصيـد الحـوت فـي بحـر جـده
وحنـا عرفنـا ويـش مزحـه وجــده
هـذا الصحيـح وقولـوا اللـي تقولـون


ياكاتب الخـط خطـك كـل واحـد قـراه
من باقي ٍ مـا قـرا مـن باقـي ٍ ماقـرا

صياف
لا والله إلا طـحـت فــوق النشـايـب
والجاهل اللي فـي اخـر الوقـت شايـب
لا تمـرح الا فـي الـديـار العشـايـب
هـذا الصحيـح وقولـوا اللـي تقولـون

اسمك ورسمك ترانا مـن زمـان الغنـاه
والعظم منك اشترا والعظم منـك اشتـرا
انت اجودي لكن ضـاري علـى النقـش
شفتك في وسط القهوه اللي ورى العتـش
وان كـان فتشنـاك ماتقـبـل الفـتـش
هـذا الصحيـح وقولـوا اللـي تقولـون

شفتك تدور على الضبـان أعلـى قـراه
في نجد ما شي قرا في نجد ما شـي قـرا







ربما تلاحظون اختلال في وزن بعض الابيات وانا لا اريد تعديلها من راسي لعل يكون لدى البعض معرفة ما كان مفقود وسبب الخلل ,, المحاورة منقوله كماهي من مطبوعه اعلاميه
وسلامة الجميع